Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզպետը քաղաքացիների ընդունելություն կատարեց Ապարանում 04.12.2014
Քաղաքացիների ընդունելությունների կազմակերպման կարգի համաձայն Արագածոտնի մարզպետ Սարգիս Սահակյանի մոտ ընդունելության օր է յուրաքանչյուր ուրբաթ, որին քաղաքացիները մասնակցում են ինչպես նախապես գրանցվելով, այլնպես էլ հանպատրաստից: Բացի այդ, յուրաքանչյուր եռամսյակի երրորդ ամսում մարզպետը այցելում է տարածաշրջաններ եւ տեղում կազմակերպում քաղաքացիների ընդունելություն: Դեկտեմբերի 4-ին Սարգիս Սահակյանն այցելեց Ապարան, եւ քաղաքապետարանում կայացավ ընդունելություն...
Արտենի համայնքում շահագործման հանձնվեց խմելու ջրատար 03.12.2014
Դեկտեմբերի 2-ին Արագածոտնի մարզում շահագործման հանձնվեց Արտենի համայնքի խմելու ջրատարը: Ծրագիրն իրականացվել է մարզպետարանի, ԱՄՆ Միջազգային զարգացման գործակալության «Մաքուր էներգիա և ջուր» ծրագրի և համայնքի համատեղ ուժերով: Բացման հանդիսավոր արարողության մասնակիցները բարձր գնահատեցին ծրագրի հաջողությունները՝ նշելով, որ ջրամատակարարման ցանցի բարելավման շնորհիվ բոլոր տնային տնտեսություններն այժմ ունեն օրական մինչև հինգ ժամ ջրամատակարարում: Ջրամատակարարման ցանցի բարելավման հետ մեկտեղ, բոլոր տնային տնտեսություններում ջրաչափեր տեղադրելով, բարելավվել է նաև սպառվող ջրաքանակի հաշվառման գործընթացը...
Նոյեմբեր ամսին Արագածոտնի մարզում ծնված աղջիկների թիվը գերազանցում է տղաներին 02.12.2014
Արագածոտնի մարզի ծննդատներում 2014 թ. նոյեմբեր ամսին գրանցվել է 82 ծնունդ: Նրանցից 37-ը տղա է, 45-ը՝ աղջիկ: Մարզպետարանի առողջապահության եւ սոցիալական ապահովության վարչության տվյալներով, Աշտարակի տարածաշրջանում ծնվել է 20 երեխա՝ 9 տղա, 11 աղջիկ: Ապարանի տարածաշրջանում ծնվել է 6 տղա եւ 13 աղջիկ ՝ ընդամենը 19 երեխա: Թալինի տարածաշրջանում ծնվել է 31 երեխա` 15 աղջիկ, 16 տղա: Արագածի տարածաշրջանում գրանցվել է 12 ծնունդ` 6-ական տղա եւ աղջիկ:
Մարզպետն այցելեց Ոսկեհատում բնակվող Կարինե Աբելյանի ընտանիքին 02.12.2014
Արագածոտնի մարզպետ Սարգիս Սահակյանի աջակցությամբ վերանորոգվեց Ոսկեհատ գյուղում բնակվող Կարինե Աբելյանի բնակարանի տանիքը: Ծրագրի իրականացումը սկսվել էր այն բանից հետո, երբ տիկին Կարինեն մասնակցել էր մարզպետի մոտ կայացած քաղաքացիների ընդունելությանը եւ նրան դիմել իր բնակարանի տանիքի վերանորոգման հարցով: Խնդիրը տեղում պարզելու նպատակով, մարզպետն այցելեց Ոսկեհատ, ծանոթացավ բնակարանի պայմաններին եւ տանիքի վերանորոգումը խիստ առաջնային գտավ...
Նախագահ Սերժ Սարգսյանն այսօր աշխատանքային այցով մեկնել է Արմավիրի և Արագածոտնի մարզեր 01.12.2014
Հանրապետության Նախագահն այցելել է «Արմավիր» քրեակատարողական հիմնարկի նորակառույց վարչական և առաջին բնակելի մասնաշենք: Սերժ Սարգսյանը ոլորտի պատասխանատուների և հիմնարկի շահագործման հանձնման կապակցությամբ հրավիրված` Հայաստանում ԱՄՆ դեսպանի, ԵԱՀԿ գրասենյակի ու միջազգային մի շարք կազմակերպությունների ներկայացուցիչների և այլ հրավիրյալների հետ միասին ծանոթացել է իրականացված աշխատանքներին ու միջազգային չափանիշներին համապատասխան կառուցված այդ հաստատության պայմաններին...
Զինծառայողները հանդիպեցին իրենց հարազատների հետ 29.11.2014
ՀՀ Պաշտպանության նախարարությունը անակնկալ էր պատրաստել Արագածոտնի մարզի այն ընտանիքների համար, որոնց զավակները իրենց զինվորական ծառայությունն անց են կացնում Արցախում: Կազմակերպված կերպով կատարվեց նրանց այցելությունը մարզ: Նրանց հետ էին նաեւ ԼՂՀ պաշտպանության նախարար Մովսես Հակոբյանը, զորամասերի հրամանատարական կազմի ներկայացուցիչները: Հանդիպումը կայացավ մարզկենտրոն Աշտարակի հրապարակում, որտեղ հարազատների հետ զինվորներին դիմավորեցին մարզպետ Սարգիս Սահակյանը, պետական, զինվորական, ուժային կառույցների, հոգեւոր դասի ղեկավարները:
