Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Բարեգործական ծրագրեր՝ Արագածոտնի մարզի Ուշի գյուղում 03.06.2014
Հունիսի 1-ը Արագածոտնի մարզի Ուշի համայնքում նշանավորվեց հիմնանորոգված մշակույթի տան շահագործմամբ: Ծրագիրն իրականացվել է կանադահայ մի խումբ բարերարների աջակցությամբ: Վերանորոգվել է մշակույթի տան դահլիճն ամբողջությամբ: ,,Վիվասել-ՄՏՍ,,-ի կողմից էլ իրականացվել է կահավորումը, ինչ արդյունքում դահլիճն ունի նոր նստարաններ, վարագույր, տեխնիկական արդիական սարքավորումներ: Մշակույթի տան բացման հանդիսավոր արարողությանը ներկա էին Արագածոտնի մարզպետ Սարգիս Սահակյանը, ,,Վիվասել-ՄՏՍ,,-ի գործադիր տնօրեն Ռալֆ Յիրիկյանը, բարերարները, այդ թվում՝ վերանորոգման կազմակերպչական աշխատանքները համակարգող Մարգար Շարաբխամյանը, բազմաթիվ այլ հյուրեր
Արագածոտնի մարզում մեկնարկեցին պետական միասնական քննությունները 03.06.2014
Հունիսի 3-ին Արագածոտնի մարզում մեկնարկեցին պետական միասնական քննությունները: Շրջանավարտները քննություն են հանձնեցին կենսաբանություն, աշխարհագրություն եւ ընդհանուր պատմություն առարկաներից, որոնց մասնակցեց 59 շրջանավարտ: Պետական միասնական քննությունները մարզում անց են կացվում Աշտարակի Ն. Սիսակյանի անվան թիվ 5 ավագ եւ Պերճ Պռոշյանի անվան թիվ 3 հիմնական դպրոցներում: Մարզպետ Սարգիս Սահակյանի հանձնարարությամբ մարզպետարանի մասնագետները հետեւողականություն են իրականացրել, որպեսզի դպրոցներում ստեղծվեն բոլոր անհրաժեշտ պայմանները՝ քննությունները լավագույնս կազմակերպելու համար...
Գարիկ Միքայելյանի անդրանիկ ցուցահանդեը 03.06.2014
2007 թվականին զինվորական ծառայության ժամանակ Արագածոտնի մարզի Աշտարակ քաղաքի բնակիչ Գարիկ Միքայելյանի հետ տեղի ունեցած դժբախտ պատահարը նրանից խլեց երկու ձեռքը: Անասելի փորձությունների միջով անցավ նրա ընտանիքը: Հոգեկան ծանր ապրումներ ու զրկանքներ կրեցին ծնողները` որդուն ամուր պահելու ու կյանքի նկատմամբ հավատը չկորցնելու համար: Նրանց եւ շրջապատի հոգատար մարդկանց շնորհիվ երիտասարդը կարողացավ իրեն վերագտնել, ապրել ու իր տեղը ամրապնդել կյանքում: Իսկ այդ ամեննի հիմնարար խթանը հանդիսացավ Սերժ Սարգսյանի հովանավորությամբ Գերմանիայում բուժվելու եւ վիրահատվելու բացառիկ հնարավորությունը...
Սիրելի հայրենակիցնե՛ր, շնորհավորում եմ բոլորիս՝ Երեխաների պաշտպանության միջազգային օրվա կապակցությամբ: Ուղերձը հղում եմ ամենքիս , քանի որ այն բոլորինս է: Երեխաները մեզ համար ապրելու, արարելու, նորանոր ձեռքբերումների հասնելու հիմնարար խթանն ու կյանքի շարժիչ ուժն են: Երեխաների պաշտպանություն՝ ասել է, թե նրանց համար առողջ, ուրախ ու երջանիկ մանկության երաշխիքների ապահովում...
Արագածոտնի մարզպետն այցելել է վիրավոր զինվորին 30.05.2014
Մայիսի 29-ին Արագածոտնի մարզպետ Սարգիս Սահակյանը զինվորական հոսպիտալում հանդիպել է Ղարաբաղա-ադրբեջանական հակամարտ զորքերի շփման գծի հարավային ուղղությամբ մայիսի 27-ի լույս 28-ի գիշերը հակառակորդի ձեռնարկած հերթական հետախուզադիվերսիոն ներթափանցման փորձի արդյունքում վիրավորված, ժամկետային զինծառայող, Օհանավան համայնքի բնակիչ Արայիկ Ներսեհի Հակոբյանին եւ նրա ծնողներին: Մարզպետը հետաքրքրվել է զինվորի առողջական վիճակով: Նա իր բարոյական եւ նյութական աջակցությունն է ցուցաբերել զինվորին, մաղթել արագ ապաքինում եւ հայտնել է ընտանիքին առաջիկայում եւս սատարելու իր պատրաստակամությունը:
Կկայանա Արագածոտնի մարզխորհրդի հերթական նիստը 30.05.2014
Արագածոտնի մարզխորհրդի հերթական նիստը կկայանա հունիսի 5-ին: Օրակարգում քննարկվելիք հարցերը հետեւյալն են: Համայնքների սեփական եկամուտների հավաքագրման աշխատանքների մասին, համայնքների կողմից հողի հարկի և գույքահարկի վարվող շտեմարաններում /բազաներում/ տեղ գտած անճշտությունների վերացման և նշված ոլորտում օրենսդրական փոփոխությունների մասին, ցրտահարության հետևանքով տուժած շահառուների ցուցակների և սերմերի բաշխման գործընթացի մասին, համայնքներում առկա պատմամշակութային հուշարձանները ապօրինի շինարարություններից պահպանելու մասին, մարզի համայնքներում գերեզմանատների առկա իրավիճակի, պատմական գերեզմանների տարածքում ապօրինի հողհատկացումների և համայնքների կողմից ձեռնարկվելիք միջոցառումների մասին: Կքննարկվեն նաեւ ընթացիկ մի շարք հարցեր, կարվեն հայտարարություններ:
