Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նոր ուսումնական տարին առանձնակի տոն էր Լեռնապարի միջնակարգ դպրոցի համար: Կայացավ նորակառույց դպրոցի բացման արարողությունը, որին ներկա էին ՀՀ փոխվարչապետ, տարածքային կառավարման նախարար Արմեն Գեւորգյանը, մարզպետ Սարգիս Սահակյանը, այլ պաշտոնյաներ: Այս օրվան դպրոցը եւ ողջ համայնքը վաղուց էր սպասել: Պետական բյուջեի միջոցներով կառուցված երկհարկանի շենքը լիովին նպաստավոր պայմաններ է ստեղծել դպրոցի 78 աշակերտի համար: Տարածաշրջանին հատուկ խստաշունչ ձմռան պայմաններում այն ունի բոլոր հարմարությունները. բնական գազով ջեռուցվող լոկալ համակարգ, լուսավոր, հարմարավետ դասասենյակներ, մարզադահլիճ: Իսկ անհրաժեշտ գույքն ու լաբորատոր սարքավորումները մարզպետի նախաձեռնությամբ ձեռք են բերվել ՀՀ սոցիալական ներդրումների հիմնադրամից...
Ծնունդների թիվ սեպտեմբեր ամսին 01.09.2014
Արագածոտնի մարզի ծննդատներում 2014 թ. սեպտեմբեր ամսին, ընդհանուր առմամբ, գրանցվել է 125 ծնունդ: Նախորդ՝ օգոստոս ամսին այդ թիվը 88-էր: Փոքրիկներից 54-ը աղջիկ է 71-ը՝ տղա: Մարզպետարանի առողջապահության եւ սոցիալական ապահովության վարչության տվյալներով, Աշտարակի տարածաշրջանում ծնվել է 38 երեխա՝ 17 աղջիկ, 21 տղա: Ապարանի տարածաշրջանում ծնվել է 10 աղջիկ, 15 տղա ՝ ընդամենը 25 երեխա: Թալինի տարածաշրջանում ծնվել է 54 երեխա՝ 23 աղջիկ եւ 31 տղա: Արագածի տարածաշրջանում գրանցվել է 8 ծնունդ, որից 4 աղջիկ, 4 տղա:
Սիրելի´ դպրոցականներ, մանկավարժներ, ծնողնե´ր, շնորհավորում եմ ձեզ Գիտելիքի օրվա եւ նոր ուսումնական տարվա կապակցությամբ: Այս երկու իրողությունները մեր երկրում մեկտեղվել են եւ հանդիսավորապես նշվում են իբրեւ մեծ տոն: Եվ դա պատահական չէ, քանի որ ուսումնառությունը գիտելիքների ձեռքբերման աղբյուրն է, իսկ առանց գիտելիքի չի կարող լինել հզոր պետություն, ժամանակին համընթաց երկիր...
Կայացավ Արագածոտնի մարզի հանրակրթական դպրոցների տնօրենների օգոստոսյան համաժողովը 30.08.2014
Արագածոտնի մարզկենտրոն Աշտարակ քաղաքում, թիվ 1 դպրոցի դահլիճում օգոստոսի 30-ին կայացավ դպրոցների տնօրենների օգոստոսյան համաժողովը: Ներկա էին մարզպետ Սարգիս Սահակյանը, ՀՀ կրթության եւ գիտության նախարարության հանրակրթության վարչության պետ Նարինե Հովհաննիսյանը, դպրոցների տնօրենները, ոլորտի այլ պատասխանատուներ: Մարզի հանրակրթական դպրոցների 2013-2014 ուսումնական տարվա արդյունքների եւ նոր՝ 2014-2015 ուստարվա նախապատրաստական աշխատանքների մասին զեկուցեց մարզպետարանի կրթության, մշակույթի եւ սպորտի վարչության կրթության բաժնի պետ Սուսաննա Պետրոսյանը:
Արագածոտնի փոխմարզպետ Նունե Մովսիսյանի աշխատանքային այցերը 28.08.2014
Օգոստոսի 27-ին փոխմարզպետ Նունե Մովսիսյանը այցելել է Հայկական Կարմիր խաչի ընկերություն : ՀԿԽԸ գլխավոր քարրտուղար Աննա Եղիազարյանի հետ աշխատանքային հանդիպման ընթացքում քննարկվել են Կարմիր խաչի առաջիկա տարվա ծրագրերում ընդգրկվելիք հարցերը: Փոխմարզպետը ներկայացրել է մի շարք առաջարկություններ, որոնցից, մասնավորապես, հավանության են արժանացել բազմազավակ ընտանիքների աջակցության եւ տնային խնամքի բարելավման, անհայտ կորած ազատամարտիկների 9 ընտանիքների, սիրիահայերի մանր ձեռնարկատիրության, Նարեկ թաղամասում եւ հանրակացարանում բնակվող փախստականների աջակցության ծրագրերը...
Արագածոտնի մարզի Դավթաշեն համայնքում բացվեց մանկապարտեզ 27.08.2014
Արագածոտնի մարզի Դավթաշեն համայնքում այսուհետ կգործի համայնքային մանկապարտեզը: Ծրագիրն իրականացվել է ,,Վորլդ Վիժըն ինթերնեշնլ-Հայաստան,, գրասենյակի, համայնքի համատեղ ուժերով եւ մարզպետ Սարգիս Սահակյանի աջակցությամբ: Մանկապարտեզը կառուցվել է 1982 թվականին եւ գործել է շուրջ 10 տարի: Այնուհետեւ, սկսած 1992 թվականից այն անգործության է մատնվել եւ տարիների հետ կորցրել պիտանելիությունը: Ելնելով մանկապարտեզ ունենալու անհրաժեշտությունից, նախագիծը ձեռնարկվեց եւ ավարտին հասցեց վերջին 1 տարվա ընթացքում: Իրականացվեց շուրջ 28 մլն. դրամի աշխատանք...
