Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արագածոտնի մարզը մասնակցեց ,,Արտ-էքսպո,, ցուցահանդեսին 23.09.2013
Արագածոտնի մարզը իր մասնակցությունն ունեցավ Գյումրիում կազմակերպված ԱՊՀ երկրների միջազգային ,,Արտ-էքսպո,, ցուցահանդեսին: Միջոցառման ընթացքում քաղաքի կենտրոնական հրապարակում առանձին տաղավարներով ներկայացվեցին ,,Արտ-էքսպո-ԱՊՀ,,, ,,Արտ-էքսպո-մարզեր,, եւ ,,Արտ-էքսպո-ամենամյա միջոցառումներ,, հարթակները: Հարուստ եւ հետաքրքիր էր Արագածոտնի մարզի տաղավարը...
Արագածոտնում նշվեց Անկախությանը տոնը 22.09.2013
Անկախության տոնին նվիրված գլխավոր տոնակատարությունը Արագածոտնի մարզում տեղի ունեցավ սեպտեմբերի 22-ին` մարզկենտրոն Աշտարակի մարզադաշտում կազմակերպված տոնախմբությամբ, որի կազմակերպիչը մարզպետարանն էր: Մասնակցում էր ՀՀ վարչապետ Տիգրան Սարգսյանը: Հրավիրվածների թվում էին նաեւ պետական, հասարակական, մշակույթի ոլորտի բազմաթիվ բարձրաստիճան հյուրեր, համայնքների ղեկավարներ, Աշտարակի եւ այլ համայնքների բնակիչները...
ՀՀ Արագածոտնի մարզպետ Սարգիս Սահակյանի շնորհավորական ուղերձը Անկախության օրվա կապակցությամբ 21.09.2013
Սիրելի հայրենակիցնե՛ր, շնորհավորում եմ Անկախության օրվա կապակցությամբ: Սեպտեմբերի 21-ը՝ Անկախության օրը, մեր ժողովրդի համար ավելին է, քան տոնը: Այն իր մեջ ամփոփում է մեր պատմությունն իր ամբողջականությամբ: Քանզի, բոլոր ժամանակներում անվերջ երազել, եւ այդ գաղափարի համար անմնացորդ պայքարել ու նահատակվել են ժողովրդի հերոս զավակները: Այդ մղումով են գործել եւ դեպի նպատակակետն են գնացել ժողովրդի լավագույն գործիչները...
Կկայանա Անկախության օրվան նվիրված տոնախմբություն 20.09.2013
ՀՀ Արագածոտնի մարզպետարանը 2013 թ. սեպտեմբերի 22-ին, ժամը 17.00-ին մարզկենտրոն Աշտարակ քաղաքի մարզադաշտում կկազմակերպի տոնահանդես՝ նվիրված Հայաստանի Անկախության տոնի 22-րդ տարեդարձին: Ծրագրում՝ -ավանդական հյուրասիրություն շուրջ 10 000 մարդու համար, որին կմասնակցեն մայրաքաղաքից, այլ մարզերից ժամանած բարձրաստիճան հյուրեր,մարզի բոլոր տարածաշրջանների բնակիչները -պաշտոնական շնորհավորանքներ, ողջույնի խոսքեր -համերգ՝ հանրապետության լավագույն երգիչ-երգչուհիների, ասմունքողների, համույթների մասնակցությամբ -տոնական հրավառություն: ՀՀ ԱՐԱԳԱԾՈՏՆԻ ՄԱՐԶՊԵՏԱՐԱՆ
Արագածոտնում ընթացավ հրամանատարաշտաբային ուսումնավարժություն 19.09.2013
Սեպտեմբերի 19-ին ՀՀ Արագածոտնի մարզպետարանում իրականացվեց ,,Արագածոտնի մարզի քաղպաշտպանության գործողությունները ռազմականի փոխարինման,, հրամանատարաշտաբային ուսումնավարժությունը: Ուսումնավարժության ընթացքում կայացան նաեւ գործնական միջոցառումներ՝ ,,Ամոնիակ տեղափոխող ամտոմեքենայի վթար եւ փրկարարական աշխատանքները,, խորագրով:
Կայացավ Ներքին Բազմաբերդի բժշկական ամբուլատորիայի բացումը 19.09.2013
Հիմնանորոգումից հետո սեպտեմբերի 19-ին տեղի ունեցավ ՀՀ Արագածոտնի մարզի ,,Ներքին Բազմաբերդի բժշկական ամբուլատորիա,,ՓԲԸ-ի բացումը, որին մասնակցում էին ՀՀ Արագածոտնի մարզպետ Սարգիս Սահակյանը, առողջապահության փոխնախարար Սերգեյ Խաչատրյանը, ամբուլատորի վերանորոգումն իրականացրած ,,Շեն,, կազմակերպության ղեկավարությունը եւ ,,Շեն-Ֆրանսիա,, բարեգործական միության անդամները...
