Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նոյեմբեր ամսին Արագածոտնի մարզում ծնված աղջիկների թիվը գերազանցում է տղաներին 02.12.2014
Արագածոտնի մարզի ծննդատներում 2014 թ. նոյեմբեր ամսին գրանցվել է 82 ծնունդ: Նրանցից 37-ը տղա է, 45-ը՝ աղջիկ: Մարզպետարանի առողջապահության եւ սոցիալական ապահովության վարչության տվյալներով, Աշտարակի տարածաշրջանում ծնվել է 20 երեխա՝ 9 տղա, 11 աղջիկ: Ապարանի տարածաշրջանում ծնվել է 6 տղա եւ 13 աղջիկ ՝ ընդամենը 19 երեխա: Թալինի տարածաշրջանում ծնվել է 31 երեխա` 15 աղջիկ, 16 տղա: Արագածի տարածաշրջանում գրանցվել է 12 ծնունդ` 6-ական տղա եւ աղջիկ:
Մարզպետն այցելեց Ոսկեհատում բնակվող Կարինե Աբելյանի ընտանիքին 02.12.2014
Արագածոտնի մարզպետ Սարգիս Սահակյանի աջակցությամբ վերանորոգվեց Ոսկեհատ գյուղում բնակվող Կարինե Աբելյանի բնակարանի տանիքը: Ծրագրի իրականացումը սկսվել էր այն բանից հետո, երբ տիկին Կարինեն մասնակցել էր մարզպետի մոտ կայացած քաղաքացիների ընդունելությանը եւ նրան դիմել իր բնակարանի տանիքի վերանորոգման հարցով: Խնդիրը տեղում պարզելու նպատակով, մարզպետն այցելեց Ոսկեհատ, ծանոթացավ բնակարանի պայմաններին եւ տանիքի վերանորոգումը խիստ առաջնային գտավ...
Նախագահ Սերժ Սարգսյանն այսօր աշխատանքային այցով մեկնել է Արմավիրի և Արագածոտնի մարզեր 01.12.2014
Հանրապետության Նախագահն այցելել է «Արմավիր» քրեակատարողական հիմնարկի նորակառույց վարչական և առաջին բնակելի մասնաշենք: Սերժ Սարգսյանը ոլորտի պատասխանատուների և հիմնարկի շահագործման հանձնման կապակցությամբ հրավիրված` Հայաստանում ԱՄՆ դեսպանի, ԵԱՀԿ գրասենյակի ու միջազգային մի շարք կազմակերպությունների ներկայացուցիչների և այլ հրավիրյալների հետ միասին ծանոթացել է իրականացված աշխատանքներին ու միջազգային չափանիշներին համապատասխան կառուցված այդ հաստատության պայմաններին...
Զինծառայողները հանդիպեցին իրենց հարազատների հետ 29.11.2014
ՀՀ Պաշտպանության նախարարությունը անակնկալ էր պատրաստել Արագածոտնի մարզի այն ընտանիքների համար, որոնց զավակները իրենց զինվորական ծառայությունն անց են կացնում Արցախում: Կազմակերպված կերպով կատարվեց նրանց այցելությունը մարզ: Նրանց հետ էին նաեւ ԼՂՀ պաշտպանության նախարար Մովսես Հակոբյանը, զորամասերի հրամանատարական կազմի ներկայացուցիչները: Հանդիպումը կայացավ մարզկենտրոն Աշտարակի հրապարակում, որտեղ հարազատների հետ զինվորներին դիմավորեցին մարզպետ Սարգիս Սահակյանը, պետական, զինվորական, ուժային կառույցների, հոգեւոր դասի ղեկավարները:
Կայացավ ,,Դպրոցականների ինտելեկտուալ խաղ,, մրցույթը 27.11.2014
ՀՀ Արագածոտնի մարզպետարանի, կրթության եւ գիտության նախարարության, ,,Տաղեր,, բարեգործական ընկերության համատեղ ուժերով Արագածոտնի մարզում կազմակերպվեց ,,Դպրոցականների ինտելեկտուալ խաղ,, հանրապետական մրցույթի մարզային փուլը, որը կայացավ Աշտարակի Պերճ Պռոշյանի անվան թիվ 3 դպրոցում: Մասնակցում էր մարզի 4 տարածաշրջանի 7-8-րդ դասարանի 150 աշակերտ...
Արագածոտնի մարզը` ,,Հայաստան,, համահայկական հիմնադրամին 26.11.2014
,,Հայաստան,, համահայկական հիմնադրամի ավանդական դրամահավաքին իր մասնակցությունն ունի Արագածոտնի մարզը: Փոխանցումները սկսվել են հոկտեմբերի 27-ին նախորդող օրերին եւ շարունակվելու են նաեւ դրանից հետո: Մարզի 114 համայնքի կողմից հոկտեմբերի 26-ի դրությամբ հիմնադրամին փոխանցվել է 2 միլիոն 207 հազար, հանրակրթական դպրոցներից` 1 միլիոն 650 հազար, բուժհաստատություններից 250 հազար դրամ: Հիմնադրամին մարզպետարանի փոխանցումը կազմում է 400 հազար դրամ: Մարզի կողմից կատարված փոխանցման գումարն, ընդհանուր առմամբ, 4.5 միլիոն դրամ է: ,,Հայաստան,, համահայկական հիմնադրամի միջոցներով իրականացվող ծրագրերից անմասն չէ նաեւ Արագածոտնի մարզը: Դրանցից են Օշականի եւ Մելիքգյուղի դպրոցների հիմնանորոգումը, Սասունիկի մանկապարտեզի վերանորոգումը:
