Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Արագածոտնի մարզպետ Դավիթ Գևորգյանի ուղերձն Ամանորի և Սուրբ Ծննդյան առթիվ 31.12.2020
Ավարտին է մոտենում 2020 թվականը: Անցնող տարին, ցավոք, մեր սրտերում թողեց չսպիացող վերքեր և մեր հիշողություններում կմնա որպես մեր հերոսների ընդհատված երազանքների տարի: Խոնարհվում եմ հանուն խաղաղության, հանուն լուսավոր ապագայի նահատակված մեր եղբայրների ու քույրերի սուրբ հիշատակի, բոլոր զինվորների ու նրանց ընտանիքների առջև: Տարեմուտին հաշված ժամեր են մնացել: Ցանկանում եմ, որ կատարվի մեր համազգային երազանքը՝ խաղաղություն լինի Հայոց աշխարհում, որ մայր հողում ծառ ու ծաղիկ բուսնի, նորածնի ճիչ, երեխայի զրնգուն ծիծաղ հնչի բոլոր ընտանիքներում: Թո՛ղ իրականանան մեր ժողովրդի երազանքները, լուսավոր ապագայի նկատմամբ հույսերն ու սպասումները: Թո՛ղ 2021 թվականն ազդարարի մեր երկրի վերելքը, թո՛ղ այն լինի ձեռքբերումների, առաջընթացի և ստեղծարար աշխատանքի տարի: Մաղթում եմ առողջություն, ընտանեկան երջանկություն, բարօրություն, բազում հաջողություններ ու նվիրական իղձերի իրականացում: Բոլորին բարի Ամանոր և Սուրբ Ծնունդ եմ մաղթում....
ՀՀ Արագածոտնի մարզպետ Դավիթ Գևորգյանն Ապարան համայնքում այսօր մասնակցել է Արցախյան պատերազմում նահատակված հերոսների հիշատակին նվիրված միջոցառմանը: Ապարանի քաղաքային հրապարակում մատուցվել է հոգեհանգստի կարգ, կատարվել է մոմավառություն: Այնուհետև մարզպետ Դավիթ Գևորգյանի, Ապարան համայնքի ղեկավար Կարեն Եղիազարյանի, զինվորականների, հոգևորականների ու համայնքի բնակիչների մասնակցությամբ ջահերով երթ է կազմակերպվել դեպի «Վերածնունդ» հուշահամալիր: Զոհված ապարանցիների պանթեոնում ներկաները մոմավառություն են կատարել՝ հարգանքի տուրք մատուցելով հանուն հայրենի հողի իրենց կյանքը զոհաբերած հայորդիների հիշատակին:
Դպրոցների շենքային և գույքային պայմանների բարելավման ծրագրի արդյունքում վերանորոգվել է 40 սանհանգույց, հիմնանորոգվել և վերանորոգվել է ընդհանուր 7583ք/մ մակերեսով 28 դպրոցի տանիք, 59 ծրագրով` հին ու կոտրված շուրջ 200 դուռ և 400 պատուհան փոխարինվել են նորերով, 27 ծրագրով վերանորոգվել են դասասենյակներ ու մարզադահլիճներ, 37 ծրագրով ջեռուցման ապահովման (ջեռուցման համակարգերի կառուցում, գազամատակարարում, էլեկտրամատակարարման բարելավում), 15 ծրագրով ջրամատակարարման, ջրահեռացման ցանցի կառուցման և այլ շինարարական աշխատանքներ են իրականացվել: Շինարարական աշխատանքների իրականացման համար անհրաժեշտ շուրջ 300 մլն դրամը մարզպետարանը հատկացրել է ֆինանսական միջոցների նպատակային և բարեխիղճ տնօրինման արդյունքում գոյացած խնայողություններից....
Արագածոտնի մարզի ավելի քան 1200 բնակչի ձմեռային տաք բաճկոններ են տրամադրվել 30.12.2020
ՀՀ Արագածոտնի մարզպետարանի և «Հայկական բարեգործական ընդհանուր միություն» հիմնադրամի համագործակցությամբ՝ Արագածոտնի մարզի ավելի քան 1200 բնակչի ձմեռային տաք բաճկոններ են տրամադրվել: Ծրագրում ընդգրկվել են սոցիալապես առավել խոցերի խմբերում գտնվող ընտանիքները.....
Առաջին հորիզոնականը զբաղեցրել է Աշնակ համայնքի բնակիչ Իզաբելլա Շատոյանի՝ «Անկախ և ինքնիշխան Հայաստանի Հանրապետության առաջին խորհրդանիշերը կրող խարտյաշ տղան» լուսանկարը....
Դպրոցականների առարկայական օլիմպիադայի հանրապետական փուլում 2 աշակերտ արժանացել են առաջին կարգի դիպլոմի՝ գրականություն և Հայոց եկեղեցու պատմություն առարկաներից, 2 աշակերտ արժանացել են երկրորդ կարգի դիպլոմի՝ անգլերեն առարկայից, 2 աշակերտ՝ երրորդ կարգի դիպլոմի՝ ռուսերեն և աշխարհագրություն առարկաներից: Քիմիա, մաթեմատիկա, հայոց լեզու, գրականություն, ՀԵՊ առարկաներից ցուցաբերած գիտելիքների համար Արագածոտնի մարզի 7 աշակերտ էլ գովասանագրերով է պարգևատրվել: Պարգևները հանձնելուց հետո մարզպետը զրուցել է աշակերտների հետ....
