Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հանդիպում` Աշտարակի ՔՊ տարածքային գրասենյակում 07.03.2022
Աշտարակի ՔՊ տարածքային գրասենյակում մարտի 4-ին կայացել է նիստ, որին մասնակցել են Արագածոտնի մարզպետ Սերգեյ Մովսիսյանը, փոխմարզպետ Հարություն Գուլյանը, մարզպետի խորհրդականներ Արմեն Գրիգորյանն ու Ռազմիկ Թադևոսյանը, մարզպետի օգնական Մերի Դատումյանը, ՔՊ կուսակցության անդամներ ու համակիրներ։
Արագածոտնի մարզում օրերս կայացել է պարեկային ծառայության շուրջ հանրային քննարկում։ ՀՀ ոստիկանության ներկայացուցիչները խոսել են պարեկային ծառայության անցնելու մանրամասների մասին։ Պարեկային ծառայության աշխատակիցները Արագածոտնի մարզի բնակիչներին են ներկայացրել ծառայության առանձնահատկությունները, պարեկ դառնալու առավելությունները։
«Շնորհավորում եմ Կանանց միջազգային տոնի առիթով։ Ձեր աշխատանքով Դուք յուրահատուկ ներդրում ունեք մարզպետարանի գործունեության մեջ։ Ի սրտե մաղթում եմ, որ միշտ քայլեք երջանկությանը թևանցուկ»,-այս խոսքերով այսօր Արագածոտնի մարզպետ Սերգեյ Մովսիսյանն աշխատանքային օրվա կեսին շնորհավորեց մարզպետարանի կին աշխատակիցներին։
ՀՀ կառավարությունը կսուբսիդավորի պարարտանյութերի գնի 50%-ը 03.03.2022
Արագածոտնի մարզի հարգելի՛ բնակիչներ, ՀՀ Կառավարությունը հաստատել է հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագիրը: Մինչև 3 հա հողատարածքում մշակություն իրականացնող ֆերմերային տնտեսությունները կսուբսիդավորվեն պարարտանյութի գնի վաճառքի 50%-ի չափով, բայց ոչ ավելի, քան 50 կգ քաշով 1 պարկ պարարտանյութի հաշվով 9000 ՀՀ դրամը: Ծրագիրը 2022 թ․ իրականացվելու է ՀՀ բոլոր մարզերում։
Արագածոտնի մարզի մի շարք դպրոցներում հիմնանորոգված մարզադահլիճների կարմիր ժապավեններ կտրվեցին 01.03.2022
Արագածոտնի մարզը 118 դպրոց ունի, և Արագածոտնի մարզպետարանը հավասարապես կարևորում է բոլոր համայնքների դպրոցների համաչափ զարգացումն ու բարեկարգումը։ Ավանի Աղբյուր Սերոբի անվան միջնակարգ, Կոշի միջնակարգ, Օրգովի Արբի Թրպանճյանի անվան միջնակարգ, Ոսկեվազի Երվանդ Դանիելյանի անվան միջնակարգ դպրոցներում փետրվարի 28-ին կտրվեցին հիմնանորոգված ու նոր կահավորված մարզադահլիճների կարմիր ժապավենները։
Կրթությանն առնչվող հարցերն Արագածոտնի մարզպետարանում օրակարգային են, և ոլորտին առնչվող քննարկումներ լինում են ամեն օր։ Այսօր մարզպետ Սերգեյ Մովսիսյանն ընդունեց «Դպրոցական սնունդ և երեխաների բարեկեցություն» հիմնարկի ներկայացուցիչներին՝ տնօրեն Սաթենիկ Մկրտչյանին, ՄԿՈՒ ծրագրերի պատասխանատու Անի Թորոսյանին և մշտադիտարկման համակարգող Ալբինա Ահարոնյանին։ Հանդիպմանը ներկա էր մարզպետի խորհրդական Արմեն Գրիգորյանը։
