Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Աշտարակի Պերճ Պռոշյանի անվան թիվ 3 դպրոցի 9-րդ դասարանի աշակերտ Սերգեյ Կնյազյանը և Վարդգես Պետրոսյանի անվան դպրոցի 7-րդ դասարանի աշակերտուհի Քնարիկ Մուրադյանը Արագածոտնի մարզը կներկայացնեն «Կենդանի դասական» միջազգային մրցույթի ազգային փուլի եզրափակչում․ փետրվարի 16-ին Վարդգես Պետրոսյանի անվան դպրոցում կայացել է մրցույթի մարզային փուլը, որտեղ ռուսաց լեզվի իմացությամբ ու ասմունքելու հմտությամբ մրցակցել են Արագածոտնի մարզի տարբեր համայնքների 13 աշակերտներ, հաղթող են ճանաչվել լավագույն երկու աշակերտները։
Մարզպետարանը՝ մարզի բնակչի կողքին․ մարզպետ Սերգեյ Մովսիսյանն ընդունեց քաղաքացիների 18.02.2022
ՀՀ Արագածոտնի մարզպետ Սերգեյ Մովսիսյանն այսօր ընդունեց մի շարք քաղաքացիների, լսեց նրանց հարցերն ու ներկայացրեց դրանց հնարավոր լուծումները։ Քաղաքացիների խնդիրների լուծման նպատակով մարզպետը նաև հանձնարարականներ տվեց մարզպետարանի համապատասխան վարչություններին ու բաժիններին։ Հարցերը հիմնականում սոցիալական բնույթի էին։
Դպրոցական առարկայական օլիմպիադաների հանրապետական փուլին Արագածոտնի մարզից կմասնակցի 71 աշակերտ 18.02.2022
Այսօր «Մաթեմատիկա» առարկայով մեկնարկել է դպրոցական առարկայական օլիմպիադաների հանրապետական փուլը։ Մեր մարզից հանրապետական փուլին կմասնակցի 71 աշակերտ։ Արագածոտնի մարզպետարանի կրթության բաժնի ներկայացրած տվյալների համաձայն, ներկայացնում ենք այս տարի մարզային օլիմպիադաների արդյունքները։
ՀՀ Արագածոտնի մարզպետ Սերգեյ Մովսիսյանը, փոխմարզպետ Հարություն Գուլյանը, մարզպետի խորհրդական Ռազմիկ Թադևոսյանը, Աշտարակ համայնքի ղեկավար Թովմաս Շահվերդյանի, զորակոչային և զորահավաքային համալրման ծառայության մարզային ստորաբաժանման ղեկավար Անուշավան Ասատրյանի ուղեկցությամբ փետրվարի 16-ին այցելեցին Արցախյան 44-օրյա պատերազմում արիաբար մարտնչած և զոհված հերոսների ընտանիքներին և ծնողներին հանձնեցին նրանց զավակներին շնորհված մեդալները։
«Երևանյան հեռանկարներ» միջազգային երաժշտական փառատոնը կանցկացվի Արագածոտնի մարզում 17.02.2022
Արագածոտնի մարզպետ Սերգեյ Մովսիսյանը փետրվարի 16-ին ընդունեց «Երևանյան հեռանկարներ» միջազգային երաժշտական փառատոնի ներկայացուցիչներին։ Հանդիպմանը մասնակցում էին մարզպետի խորհրդական Արմեն Գրիգորյանը և մշակույթի և սպորտի բաժնի պետ Սաթենիկ Ավոյանը։ «Երևանյան հեռանկարներ»-ի ներկայացուցիչները խոսեցին այս տարվա ամռանը նախատեսվող միջազգային մեծ փառատոնի կազմակերպական աշխատանքների մասին` ընդգծելով, որ ակնկալում են մարզպետարանի գործուն աջակցությունը։ Եռօրյա փառատոնը կանցկացվի երևանամերձ ու գեղատեսիլ Արագածոտնում` համախմբելով հայ և արտասահմանցի մշակութասերներին։
Աշտարակի Պերճ Պռոշյանի անվան թիվ 3 դպրոցի 9-րդ դասարանի աշակերտ Սերգեյ Կնյազյանը և Վարդգես Պետրոսյանի անվան դպրոցի 7-րդ դասարանի աշակերտուհի Քնարիկ Մուրադյանը Արագածոտնի մարզը կներկայացնեն «Կենդանի դասական» միջազգային մրցույթի հանրապետական փուլում․ երեկ Վարդգես Պետրոսյանի անվան դպրոցում կայացել է մրցույթի մարզային փուլը, որտեղ ռուսաց լեզվի իմացությամբ մրցակցել են Արագածոտնի մարզի տարբեր համայնքների 13 աշակերտներ, հաղթող են ճանաչվել լավագույն երկու աշակերտները։
