Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ փոխվարչապետ Համբարձում Մաթևոսյանի ղեկավարությամբ և Տարածքային կառավարման և ենթակառուցվածքների նախարար Գնել Սանոսյանի, ՀՀ մարզպետների ու շահագրգիռ պետական մարմինների ղեկավար կազմի մասնակցությամբ տեղի է ունեցել խորհրդակցություն։ Մասնակցել է Արագածոտնի մարզպետ Սերգեյ Մովսիսյանը։
294 սան ունեցող Աշտարակի մանկապատանեկան դպրոցի առօրյային և շենքային պայմաններին ծանոթանալու, խնդիրները գույքագրելու և լուծումներ ուրվագծելու նպատակով երեկ մարզպետը խորհրդականներ Արմեն Գրիգորյանի և Ռազմիկ Թադևոսյանի հետ այցելեց մարզադպրոց։
Կորոնավիրուսային հիվանդության դեմ պատվաստումների գործընթացի կազմակերպման արդյունքները քննարկելու նպատակով Արագածոտնի մարզպետարանում տեղի ունեցավ մարզի բժշկական կենտրոնների տնօրենների հետ հանդիպում, որը վարեց գլխավոր քարտուղար, մարզում COVID-19-ի դեմ պատվաստումների գործընթացը և հանրային իրազեկման աշխատանքները համակարգող հանձնաժողովի նախագահ Հրաչյա Գևորգյանը։
Հայ և եզդի ժողովուրդների եղբայրական հարաբերությունների արմատը խորն է և անսասան, և դրա վառ օրինակն այն է, որ մեր պատմության դժնդակ օրերին դուք թև-թիկունք դարձած մեզ օգնեցիք պայքար մղել հայ հողի համար։ Իրավամբ, ակնառու և դրվատելի է հայ ժողովրդին ձեր նվիրվածությունը։ Հավատացած եղեք, մենք ջանում ենք Հայաստանում ձևավորել ազգային փոքրամասնությունների համար բարենպաստ կենսապայմաններ, ջանում ենք ամեն պատեհ առիթով ցույց տալ, որ արդեն երկար տարիներ է՝ դուք մասնիկն եք մեր երկրի։
Աշտարակի Ներսես Աշտարակեցու անվան թիվ 1 հիմնական դպրոցում ապրիլի 15-ին ամփոփվեց «ՀՀ մարզերի, Երևան քաղաքի, և Արցախի Հանրապետության հանրակրթական դպրոցների 1-3-րդ և 4-6-րդ դասարանների աշակերտների միջև 2022 թվականին անցկացվող «Սպորտլանդիա» մարզական միջոցառման 3-րդ՝ մարզային փուլը։ Մասնակցեցին Արագածոտնի մարզի 4 համայնքների՝ տարածքային փուլում 1-2-րդ տեղերը զբաղեցրած 8 թիմերը։
Արագածոտնի մարզի Կարբիի Վահան Թեքեյանի անվան միջնակարգ դպրոցում ապրիլի 15-ին մարզական հրավառություն էր․ դպրոցը «Սպորտային Սերունդ-2021» ծրագրի հաղթողն է և այսօր հանդիսավորությամբ ստացավ 1 մլն դրամ արժողությամբ մրցանակը՝ մարզագույք և մարզահագուստ։
