Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ կառավարությունը կսուբսիդավորի պարարտանյութերի գնի 50%-ը 03.03.2022
Արագածոտնի մարզի հարգելի՛ բնակիչներ, ՀՀ Կառավարությունը հաստատել է հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռքբերման աջակցության ծրագիրը: Մինչև 3 հա հողատարածքում մշակություն իրականացնող ֆերմերային տնտեսությունները կսուբսիդավորվեն պարարտանյութի գնի վաճառքի 50%-ի չափով, բայց ոչ ավելի, քան 50 կգ քաշով 1 պարկ պարարտանյութի հաշվով 9000 ՀՀ դրամը: Ծրագիրը 2022 թ․ իրականացվելու է ՀՀ բոլոր մարզերում։
Արագածոտնի մարզի մի շարք դպրոցներում հիմնանորոգված մարզադահլիճների կարմիր ժապավեններ կտրվեցին 01.03.2022
Արագածոտնի մարզը 118 դպրոց ունի, և Արագածոտնի մարզպետարանը հավասարապես կարևորում է բոլոր համայնքների դպրոցների համաչափ զարգացումն ու բարեկարգումը։ Ավանի Աղբյուր Սերոբի անվան միջնակարգ, Կոշի միջնակարգ, Օրգովի Արբի Թրպանճյանի անվան միջնակարգ, Ոսկեվազի Երվանդ Դանիելյանի անվան միջնակարգ դպրոցներում փետրվարի 28-ին կտրվեցին հիմնանորոգված ու նոր կահավորված մարզադահլիճների կարմիր ժապավենները։
Կրթությանն առնչվող հարցերն Արագածոտնի մարզպետարանում օրակարգային են, և ոլորտին առնչվող քննարկումներ լինում են ամեն օր։ Այսօր մարզպետ Սերգեյ Մովսիսյանն ընդունեց «Դպրոցական սնունդ և երեխաների բարեկեցություն» հիմնարկի ներկայացուցիչներին՝ տնօրեն Սաթենիկ Մկրտչյանին, ՄԿՈՒ ծրագրերի պատասխանատու Անի Թորոսյանին և մշտադիտարկման համակարգող Ալբինա Ահարոնյանին։ Հանդիպմանը ներկա էր մարզպետի խորհրդական Արմեն Գրիգորյանը։
Գինեսի համաշխարհային ռեկորդների գրքում աշխարհում ամենաշատ ռեկորդներ գրանցած հայը Արագածոտնի մարզի Թալին համայնքի Կարմրաշեն գյուղից Ռոման Սահրադյանն է։ Նա Գինեսի վեցակի և Դյուցազնագրքի բազմակի ռեկորդակիր է։
Արագածոտնի մարզի Թալին համայնքը հայրենիքին շատ հերոսներ է տվել։ Մարզպետ Սերգեյ Մովսիսյանը, փոխմարզպետ Հարություն Գուլյանի, խորհրդական Ռազմիկ Թադևոսյանի, Թալինի համայնքապետ Տավրոս Սափեյանի, զորակոչային և զորահավաքային համալրման ծառայության մարզային ստորաբաժանման ղեկավար Անուշավան Ասատրյանի հետ փետրվարի 25-ին Արցախյան 44-օրյա պատերազմում արիաբար զոհված թալինցի հերոսների օջախներում էր։ Նրանք հերոսների ծնողներին հանձնեցին ՀՀ և Արցախի նախագահների հրամանագրերով շնորհված մեդալները։
Աշխատանքային շաբաթն ամփոփվեց քաղաքացիների ընդունելությամբ 28.02.2022
Արագածոտնի մարզպետ Սերգեյ Մովսիսյանի մոտ փետրվարի 25-ին քաղաքացիների հերթական ընդունելությունն էր։ Քաղաքացիների հիմնական մասը մարզպետին դիմեց սոցիալական հարցերով։
