Արագածոտնի մարզպետի աշխատակազմ

Մարզի ղեկավարը շնորհավորեց նաև եզդիական Շամիրամ համայնքի վերընտրված ղեկավար Մրազ Բրոյանին և ամփոփեց հոկտեմբերի 25-ին կայացած ՏԻՄ ընտրությունների արդյունքները։

Մարզպետի տեղակալ Արմեն Գրիգորյանը զեկուցեց օրակարգային 2 հարցերի շուրջ՝ 2026 թվականի երրորդ եռամսյակի սուբվենցիոն ծրագրերի մշտադիտարկման խմբի կատարած աշխատանքների արդյունքների և մարզում իրականացվող դպրոցաշինական ծրագրերի մասին։

Մարզի համայնքների 2026թ. 9 ամիսների սեփական եկամուտների կատարման վերաբերյալ զեկուցեց ֆինանսական վարչության պետ Նորայր Գալստյանը։

Մարզպետի աշխատակազմի պատվիրատվությամբ մարզում ՀՀ պետական բյուջեի միջոցներով իրականացվող ծրագրերի, Համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերի ընթացքի և 2027 թվականի համար ներկայացված ծրագրերի վերաբերյալ ամփոփ տեղեկատվություն ներկայացրեց վերջին զեկուցող, քաղաքաշինության, հողաշինության և ենթակառուցվածքների կառավարման վարչության պետ Հակոբ Ստեփանյանը։

Այլ հարցերի շրջանակում արձանագրված խնդիրների շուրջ մարզպետը ոլորտային համակարգողներին տվեց հանձնարարականներ և ամփոփելով նիստը՝ բոլորին կոչ արեց շարունակել համայնք-մարզպետարան ակտիվ փոխգործակցությունը՝ մինչև տարեվերջ ընթացիկ ծրագրերը պատշաճ կերպով ավարտելու նպատակով։