Արագածոտնի մարզպետի աշխատակազմ

Իրավամբ, սերունդներ կրթելը, ուսուցչությունը պետության զարգացման գործընթացում անփոխարինելի ու պատասխանատու աշխատանք է, ինչը վստահված է ձեզ, և ես բազում առիթներ եմ ունեցել անձամբ տեսնելու, գնահատելու, խրախուսելու ձեզնից շատերի օրինակելի աշխատանքն ու անմնացորդ նվիրումը։

Բազում առիթներ եմ ունեցել հպարտանալու այն լուսավոր աշակերտների հաջողություններով, որոնց հիմքում լավ ուսուցչի կերպարն է, և վստահ եմ` սա շարունակական է լինելու։

Սիրելի' մանկավարժներ, ձեզ մաղթում եմ քաջառողջություն, աշխատելու և վերելքներ նվաճելու չմարող խանդավառություն, ուսուցչական առաքելությանը ամենայն պատասխանատվությամբ վերաբերվելու կամք։

Եվ ուրախ եմ արձանագրել, որ այժմ ուսուցչի դերակատարումը վերագնահատվում է, ուսուցիչը որպես մասնագետ ստանում է պետության կողմից առավել բարձր գնահատվելու, խրախուսվելու և ինչու չէ` ինքնաիրացման, բարեկեցության նոր ու լայն հնարավորություններ։ Հավատացեք` լավ ուսուցիչը պետության մարդկային կապիտալի, առաջընթացի կենտրոնում է։

Բարին ընդ ձեզ։

Շնորհավոր Ուսուցչի օր։