Արագածոտնի մարզպետի աշխատակազմ

Քննությունների ընթացքին հետևելու նպատակով այսօր Արագածոտնի մարզպետի տեղակալ Արմեն Գրիգորյանը, ԿՄՍ վարչության պետ Գալուստ Թադևոսյանը և վարչության աշխատակիցները ստուգայցով Կարինի, Սասունիկի, Նոր Երզնկայի, Կարբիի միջնակարգ դպրոցներում էին։

Այցի ընթացքում արձանագրվեց, որ պատշաճ քննական մթնոլորտն ապահովված է։

Այսօր տեղի էր ունենում «Մաթեմատիկայի» քննությունը։

Այցի ընթացքում Արագածոտնի մարզպետի աշխատակազմի ներկայացուցիչները հետևեցին նաև Կառավարության ֆինանսավորմամբ կառուցվող Կարինի միջնակարգ նոր դպրոցի շինարարության ընթացքին։

Նշենք, որ 12-րդ դասարանների շրջանավարտների քննությունները մեկնարկել են հունիսի 3-ին, կամփոփվեն հունիսի 17-ին։

Ընթանում են նաև 9-րդ դասարանն ավարտողների քննությունները, որոնք մեկնարկել են հունիսի 2-ին և կավարտվեն հունիսի 24-ին։

Արագածոտնի մարզում 2025-2026 ուսումնական տարում 12-րդ դասարանն ավարտում են 1083 սովորող, իսկ 9-րդ դասարանը՝1796։

Մեր շրջանավարտներին մաղթում ենք հաջող քննաշրջան։