Արագածոտնի մարզպետի աշխատակազմ

Մարզպետը կարևոր շեշտադրումներ արեց անհաջողությունները որպես աճելու մոտիվացիա դիտարկելու, դժվարություններին առերեսվելու, սթափ ընկալելու և չընկրկելու, հավակնոտ նպատակները հետևողականորեն կյանքի կոչելու վերաբերյալ։ Այս համատեքստում հղած խորհուրդներն ու ուղերձները ոգեշնչեցին կյանքի կարևոր փուլում կողմնորոշվող պատանիներին։

«Պետք է միշտ ձգտեք զարգանալ. չվախենաք դժվարություններից, հավակնոտ նպատակներ կյանքի կոչելուց և վստահ քայլեք ձեր ընտրած ճանապարհով։ Իմացեք, որ հենց անհաջողությունները կարող են դառնալ ապագայի հաջողության հիմքը»,֊նշեց մարզպետը։

Զրույցն ամփոփելով` նա ասաց, որ նմանօրինակ հանդիպումներն օգնում են ավելի լավ հասկանալու աշակերտների մտահոգություններն ու ակնկալիքները։

Աշակերտները նշեցին, որ հանդիպումից հեռանում են` իրենց հետ տանելով կարևոր խորհուրդներ ու վառ տպավորություններ։