Արագածոտնի մարզպետի աշխատակազմ

Ավտոերթին Վարչապետի գլխավորությամբ մասնակցեցին ՏԿԵ նախարար Դավիթ Խուդաթյանը, Արագածոտնի մարզպետ Սերգեյ Մովսիսյանը, պաշտոնատար այլ անձինք։

Աշտարակից Գյումրի ճանապարհի շինարարությունն իրականացվել է 4 փուլով: Ագարակի հնագիտական վայրը շրջանցող մոտ 8 կմ հատվածի, Աշտարակ-Թալին 34 կմ հատվածի, Թալին-Լանջիկ 18,7 կմ հատվածի, Լանջիկ-Գյումրի 23 կմ հատվածի շինարարական աշխատանքներն իրականացվել են Կառավարության, Ասիական զարգացման բանկի և Եվրոպական ներդրումային բանկի ֆինանսավորմամբ:

Նշենք, որ նորակառույց ճանապարհն առաջին տեխնիկական կարգի է և ապահովում է անվտանգ երթևեկություն։

Ճանապարհի բացման տոնական արարողությունը եզրափակվեց Գյումրու հրապարակում տեղի ունեցած համերգային երեկոյով։

Մեր քաղաքացիներին մաղթում ենք բարի երթ։