Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Մարզպետ Սերգեյ Մովսիսյանը ՀԷՑ-ի բարեփոխումը կարևոր ռազմավարական քայլ է համարում
03.03.2026
Հայաստանի էլեկտրական ցանցերի ժամանակավոր կառավարիչ Ռոմանոս Պետրոսյանը, Արագածոտնի մարզպետ Սերգեյ Մովսիսյանը, ՀԷՑ-ի ղեկավար կազմի անդամներ և մարզպետի աշխատակազմի ներկայացուցիչներ մարտի 2-ին աշխատանքային այցով Թալինում էին։
Թալին համայնքի ղեկավար Տավրոս Սափեյանի հետ պաշտոնատար անձինք քննարկում անցկացրին, որին ներկա էին համայնքապետարանի, ՀԷՑ «Մուսալեռ» մասնաճյուղի «Թալին» ՇԷՑ-ի և համայնքի տարբեր կառույցների ներկայացուցիչներ։
Ռոմանոս Պետրոսյանը հանդես եկավ ելույթով՝ ներկայացնելով Հայաստանի էլեկտրական ցանցերի ընդհանուր աշխատանքները, բարեփոխումների ընթացքն ու առաջիկա անելիքները։ Հաջորդիվ նա ներկայացրեց ՀԷՑ «Մուսալեռ» մասնաճյուղի «Թալին» ՇԷՑ-ի նորանշանակ պետ Էդգար Խաչատրյանին։
Մարզպետ Սերգեյ Մովսիսյանն իր խոսքում ՀԷՑ բարեփոխման գործընթացը համարեց կարևոր ռազմավարական քայլ և նշեց, որ ոլորտի լավարկմանն ուղղված աշխատանքներին պետք է հնարավոր աջակցություն ցուցաբերվի՝ համատեղ քննարկումների, խնդիրների վերհանման ու առաջարկությունների գործում։
Համայնքապետ Տավրոս Սափեյանը կարևորեց նման ձևաչափով հանդիպումները և կողմերի համագործակցային աշխատանքը։
