Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Արագածոտնի մարզի 50 պատանիներ 5 օր շարունակ MyLer հանգստյան գոտում մասնակից են եղել անվճար ձմեռային ճամբարի
08.01.2026
«Ցե-Կվադրատ Ամպեգա» ընկերությունը բարեգործական հիմունքներով կազմակերպել էր ձմեռային ճամբար, որին մասնակցել են գերազանց առաջադիմություն ունեցող աշակերտներ, սոցիալապես անապահով, ծնողազուրկ և Ղարաբաղից բռնի տեղահանված ընտանիքների երեխաներ։
Ճամբարի շրջանակում դեկտեմբերի 22-26-ն ընկած ժամանակահատվածում պատանիներին ուսուցանվել է դահուկասպորտ, մարզչի ուղեկցությամբ նրանք կիրառել են իրենց գիտելիքները։
Նախաձեռնության նպատակը առողջ ու ակտիվ ապրելակերպի խթանումն ու երեխաների համար հավասար հնարավորությունների ստեղծումն էր։
Ճամբարն ամփոփվել է հանդիսավոր արարողությամբ, որտեղ երեխաները ներկայացրել են իրենց վառ տպավորությունները։
Մասնակիցներին հավաստագրեր են հանձնել Արագածոտնի մարզպետի տեղակալ Միլադա Հովհաննիսյանը, «Ցե-Կվադրատ Ամպեգա» ընկերության և MyLer հանգստյան գոտու ներկայացուցիչները։
