Արագածոտնի մարզպետի աշխատակազմ

Մանկապարտեզների շինաշխատանքները գրեթե ավարտական փուլում են, Արտաշավանինն արդեն մեկ տարի է՝ շահագործման է հանձնվել։

Նախարարի տեղակալ Ավետիք Դարբինյանը հանձնարարեց խիստ հետևողական լինել շինարարության որակի և ժամկետների առումով։ Նա հորդորեց ամեն ինչ անել, որպեսզի հենց այս տարի պետությունը կարողանա մարզի նշված բնակավայրերի ընդհանուր թվով մի քանի հարյուր երեխայի հնարավորություն տալ ժամանակակից և նոր գույքով հագեցած մանկապարտեզ հաճախել։

Շրջայցի ընթացքում շինարարները, վերհանելով խնդիրները, նշեցին, որ աշխատուժի կարիք ունեն, ինչը պայմանավորված է մարզում միաժամանակ ընթացող շինարարության աննախադեպ ծավալի աշխատանքներով։

Հավելենք, որ Ոսկեհատ բնակավայրը նախկինում մանկապարտեզ չի ունեցել, այժմ կառուցվել է 60 երեխայի համար նախատեսված մանկապարտեզ։

Ապարան համայնքի Շենավան գյուղում ևս երբևէ մանկապարտեզ չի եղել, նոր կառուցվող մանկապարտեզը նախատեսված է 60 երեխայի համար։

Նույն համայնքի Արագած բնակավայրի մանկապարտեզը նախկինում նախատեսված է եղել 90 երեխայի համար, նոր՝ վերակառուցվող մանկապարտեզը կընդունի ավելի շատ՝ 120 երեխայի։

Աշտարակի թիվ 4 «Հասմիկ» մանկապարտեզը նույնպես վերակառուցվող մանկապարտեզներից է, նախկինում այն նախատեսված է եղել 150 երեխայի համար, վերակառուցումից հետո այն կընդունի 180 երեխայի։

Ուշի գյուղում նախկինում մանկապարտեզ չի գործել, նոր կառուցվող մանկապարտեզը 120 երախայի համար է նախատեսված։

Կարբիի թիվ 12 «Երեքնուկ» մանկապարտեզը ևս վերակառուցումից հետո կկարողանա ավելի շատ սաներ ունենալ՝ նախկին 120-ի փոխարեն 180։