Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Առողջ ապրելակերպը դարձնելով կենսաձև
25.09.2025
«Առողջ ապրելակերպի և ծխելու դեմ պայքարի
միջոցառումների» շրջանակում սեպտեմբերի 24-ին Ապարան քաղաքում
անցկացվել է առողջ ապրելակերպի հանրային իրազեկման արշավ։ Այն կազմակերպվել է ՀՀ առողջապահության նախարարության, Արագածոտնի մարզպետի աշխատակազմի և Ապարանի համայնքապետարանի համագործակցությամբ։
Քայլարշավին մասնակցել են Ապարան համայնքի աշակերտները, մարզպետի աշխատակազմի, առողջապահության նախարարության և Ապարանի համայնքապետարանի աշխատակիցներ։
Արշավի ընթացքում երեխաները պատրաստել են առողջ բաղադրատոմսերով սնունդ և հյուրասիրել ներկաներին, կազմակերպվել են առողջ սննդի վերաբերյալ կարճ վիկտորինա, խմբային պարեր, միջդպրոցական էստաֆետային խաղերի մրցանակաբաշխություն, սպորտային և մշակութային միջոցառումներ, խաղեր։ Մասնակից դպրոցականները ներկայացրել են առողջ ապրելակերպի մասին տեղեկատվական պաստառներ։
Գործել են առողջության հիմնական սքրինինգների տաղավարներ, որտեղ այցելուներին առողջապահական տեղեկատվություն են ներկայացրել արշավում ներգրավված բժիշկները։
