Արագածոտնի մարզպետի աշխատակազմ

Հանդիպմանը ներկա էին մարզադպրոցի տնօրենն ու մարզիչները։

«Դուք շնորհալի մարզիկներ եք և ձեր աշխատասիրության ու կամքի շնորհիվ կերտում եք հաղթանակներ, որոնք բարձր են հնչեցնում մեր մարզի և երկրի անունը։ Ես տեղյակ եմ նաև, որ դուք առաջիկայում ելույթ եք ունենալուԵվրոպայի և Աշխարհի առաջնություններում, ինչը մեզ համար, իսկապես, հպարտանալու առիթ է։ Եվ ես վստահ եմ, որ առաջիկայում ձեր հաղթանակի շնորհիվ միջազգային ասպարեզում բարձրանալու է մեր եռագույնը։ Ես հպարտ եմ ձեզնով»,-մարզիկներին ուղղված ողջույնի խոսքում ասաց մարզպետ Սերգեյ Մովսիսյանը։

Մարզպետն իր անունից պատվոգրեր հանձնեց ըմբիշներին և նրանց մարզիչներին։

Այսպես՝

Արթուր Մկրտչյանը «Դպրոցականների գիմնազիադայի» շրջանակում կայացած ազատ ոճի ըմբշամարտի առաջնությունում և Ազատ ոճի ըմբշամարտի մինչև 15 տարեկանների Հայաստանի առաջնություններում զբաղեցրել է 1-ին հորիզոնականները, իսկ ազատ ոճի ըմբշամարտի Հայաստանի պատանիների առաջնությունում՝ 3-րդ տեղը,

Գոռ Մխիթարյանը «Հունահռոմեական ոճի ըմբշամարտի պատանիների Հայաստանի 2025 թ․ առաջնությունում» զբաղեցրել է 1-ին տեղը, 1-ին տեղն է զբաղեցրել նաև Սանկտ Պետերբուրգում կայացած «Սպիտակ գիշերներ» խորագրով հունահռոմեական ըմբշամարտի մրցումներում։ Հյուսիսային Մակեդոնիայի Սկոպյե քաղաքում կայացած Եվրոպայի Ս17 պատանիների առաջնությունում նա զբաղեցրել է 5-րդ տեղը։

Խաչիկ Խաչատրյանը 2025 թ․ հունահռոմեական ոճի պատանիների Հայաստանի առաջնությունում զբաղեցրել է 2-րդ տեղը։

Պապիկ Ներսիսյանը 2025 թ․ ազատ ոճի ըմբշամարտի ՀՀ պատանիների, ապա երիտասարդների առաջնությունություններում նվաճել է բրոնզե մեդալներ։

Մարզիկներից Արթուրը պատրաստվում է օրեր անց հանդես գալ Եվրոպայի առաջնությունում, իսկ Խաչիկը օգոստոսին կներկայանա Աշխարհի առաջնությունում։

Մեր մարզիկներին մաղթում ենք հաջողություն։