Արագածոտնի մարզպետի աշխատակազմ

Շրջայցին ներկա էին Արագածոտնի մարզպետի տեղակալ Արմեն Գրիգորյանը (աշխատանքային խմբի ղեկավար), Թալին համայնքի ղեկավար Տավրոս Սափեյանը, մշտադիտարկման խմբի անդամները, համայնքապետարանի ոլորտային պատասխանատուները, «Գազպրոմ Արմենիա» ՓԲԸ-ի և ՀՀ քաղաքաշինության, տեխնիկական և հրդեհային անվտանգության տեսչական մարմնի ներկայացուցիչներ։

Առաջին կանգառը Ագարակավանում էր, որտեղ պաշտոնատար անձանց կողմից դիտարկվեց կառուցված խմելաջրի ցանցը և օրվա կարգավորիչ ջրամբարը (ՕԿՋ), որոնց իրականացումը նշանակալի է համայնքի ջրամատակարարման կայունության և արդյունավետության ապահովման տեսանկյունից։

Հաջորդիվ մանրազնին ուսումնասիրվեցին Մաստարայում խմելաջրի ցանցի հիմնանորոգման աշխատանքները։

Այցելությունն ամփոփվեց Զովասար և Ոսկեթաս բնակավայրերում ընթացող գազաֆիկացման աշխատանքների ուսումնասիրությամբ։

Շինարարություններն իրականացնող մասնագետներին տրվեցին հանձնարարականներ, մարզպետի տեղակալ Արմեն Գրիգորյանն ընդգծեց աշխատանքների որակի և ժամկետների պահպանման կարևորությունը։

Սուբվենցիոն ծրագրերի մշտադիտարկումները և որակի ապահովմանն ուղղված վերահսկողությունը շարունակական են։