Արագածոտնի մարզպետի աշխատակազմ

Այսօր Հայաստանի Հանրապետությունում նշում ենք Ուսանողների և երիտասարդների օրը, ինչի առիթով ձեզ եմ հղում իմ ջերմագին շնորհավորանքները։

Ցանկանում եմ ընդգծել, որ տոնի հիմքում Երևանի պետական համալսարանի հիմնադրման օրն է և որպես Մայր բուհի շրջանավարտ, իմ առանձնահատուկ շնորհավորանքն եմ հղում ԵՊՀ կոլեկտիվին, ուսանողներին և շրջանավարտներին։

Սիրելի՛ երիտասարդներ, կրթությունը մեր օրերում ավելի քան կարևոր ոլորտ է և ուզում եմ, որ դուք ձեր սովորելու լավագույն տարիներն անցկացնեք առավելագույնս արդյունավետ, ի շահ ձեզ և մեր պետության։

Որպես ընկեր՝ այս խորհրդանշական պահին կուզեի ձեզ մի խորհուրդ հղել․ ինքնազարգացման ճանապարհին ձեզ թրծե՛ք որպես խնդիրներ հաղթահարողի, կոփե՛ք ձեր մեջ չկոտրվելու, դժվարություններից ուժեղանալու, ձախողումներից դասեր քաղելու հոգեբանությունը և կտեսնեք, որ վաղը դուք մեկ քայլ ավելի մոտ կլինեք ձեր նպատակին։

Մեզ պետք են պրոֆեսիոնալ մասնագետներ, և մաղթում եմ, որ ձեր մեջ երբեք չմարի լավ սովորելու, գիտելիք յուրացնելու, որպես մասնագետ հմտանալու մղումը։

ՀՀ ԱՐԱԳԱԾՈՏՆԻ ՄԱՐԶՊԵՏ

ՍԵՐԳԵՅ ՄՈՎՍԻՍՅԱՆ