Արագածոտնի մարզպետի աշխատակազմ

Արագածոտնի մարզպետ Սերգեյ Մովսիսյանի, Թալինի համայնքապետ Տավրոս Սափեյանի, Աշտարակի համայնքապետ Թովմաս Շահվերդյանի, ՏԿԵ փոխնախարար Քրիստինե Ղալեչյանի, «Ճանապարհային դեպարտամենտ» հիմնադրամի ղեկավար Արմեն Զոհրաբյանի և ծրագրի ղեկավարների ուղեկցությամբ նախարարը շրջեց Տրանշ-2-ի մի շարք հատվածներում և դիտարկեց ընթացիկ աշխատանքները։

Նշենք, որ «Հյուսիս-հարավ» Տրանշ-2-ի Ագարակի հնագիտական վայրը շրջանցող 8 կմ հատվածի կառուցման աշխատանքներն իրականացվել են մոտ 80%-ով, իսկ 34 կմ հատվածում իրականացվել է աշխատանքների 50%-ը։

Աշտարակ-Թալին հատվածի շինարարական աշխատանքների ավարտը նախատեսված է 2025 թվականի վերջին։

Տեղում շինարարների և ծրագրի պատասխանատուների հետ քննարկվեցին առկա խնդիրները, նախարարի կողմից տրվեցին մի շարք հանձնարարականներ՝ ծրագրի իրականացման ժամկետների և աշխատանքները որակով իրականացնելու ուղղությամբ։

Աշխատանքային այցի ընթացքում մարզպետ Սերգեյ Մովսիսյանը նախարարին ներկայացրեց մարզկենտրոն Աշտարակում ընթացքի մեջ գտնվող սուբվենցիոն ծրագրերը, մասնավորապես մանկապարտեզի վերակառուցման, ճանապարհների և քաղաքային հրապարակի վերանորոգման ու նոր լուսավորության անցկացման աշխատանքները։