Արագածոտնի մարզպետի աշխատակազմ

Ապարանի համայնքապետ Կարեն Եղիազարյանի, «Մայլեռ Մաունթին Ռեզորթ»-ի հիմնադիր Տիգրան Հարությունյանի հետ մարզպետը հետևեց ճոպանուղու փորձարկման աշխատանքներին։

Մարզպետ Սերգեյ Մովսիսյանը շնորհավորեց ներդրումային ծրագրի ղեկավարին և «Մայլեռի» ամբողջ թիմին՝ ևս մեկ բաղադրիչով ընդգրկուն ծրագիրն իրագործելու առիթով և վստահություն հայտնեց, որ «Մայլեռ» լեռնադահուկային բազմաֆունկցիոնալ համալիրը դառնալու է տարածաշրջանի ամենամրցունակ ու ժամանակակից կենտրոններից մեկը, որը տարվա բոլոր եղանակներին Արագածոտն է բերելու մեծաթիվ այցելուներ ու օտարերկրյա զբոսաշրջիկներ, ինչը առանցքային դեր է ունենալու տնտեսական աննախադեպ ակտիվություն ապահովելու, որպես զբոսաշրջային մարզ վերադիրքավորվելու հարցում։