Արագածոտնի մարզպետի աշխատակազմ

Միջոցառմանը ներկա է եղել ԿԳՄՍ նախարարի տեղակալ, մրցութային հանձնաժողովի նախագահ Արթուր Մարտիրոսյանը:

2025 թվականի երիտասարդական մայրաքաղաքի տիտղոսի համար հայտ էին ներկայացրել Աբովյան (Կոտայքի մարզ), Ալավերդի (Լոռու մարզ), Ապարան (Արագածոտնի մարզ), Մարտունի (Գեղարքունիքի մարզ) և Նոյեմբերյան (Տավուշի մարզ) քաղաքները։

Հաղթող ճանաչված Ապարան քաղաքի ներկայացուցիչը շնորհակալություն է հայտնել ծրագրին մասնակցելու հնարավորության համար և ընդգծել, որ մրցույթին մասնակցել են մարտական տրամադրվածությամբ և երիտասարդական մայրաքաղաքի տիտղոսը նվաճելու մեծ ցանկությամբ:

Հավելենք, որ 2025 թ., որպես երիտասարդական մայրաքաղաք, Ապարանում կանցկացվեն տարբեր ձևաչափի և մասշտաբի միջոցառումներ, որոնք քաղաքին շուրջ տարին երիտասարդական շունչ կհաղորդեն։

Զբոսաշրջային Արագածոտնի մարզը մեր բոլոր հյուրերին խոստանում է հետաքրքիր ու տպավորիչ օրեր։

Ապարանը պատրաստ է պատվով կրելու Երիտասարդական մայրաքաղաքի տիտղոսը և գունեղ միջոցառումների շրջանակում իր ջերմ գրկում հյուրընկալելու երիտասարդների ամբողջ Հայաստանից։

Կհանդիպենք 2025֊ին` Երիտասարդական Ապարանում։