Արագածոտնի մարզպետի աշխատակազմ

Առաջին կանգառը եզդիական Ալագյազ համայնքի Ռյա Թազա բնակավայրն էր, որտեղ ճանապարհին կից բնակելի տների մերձակայքում արձանագրվել էին ջրահեռացման հետ կապված խնդիրներ։ Ալագյազի համայնքապետ Ջասմ Մախմուդովի և բնակիչների հետ մարզպետը տեղում, եղանակային վատ պայմաններում դիտարկեց խնդիրը, ուրվագծեց դրա լուծումն ու հանձնարարականներ տվեց։

Բնակիչների հետ զրույցի ընթացքում մարզպետը խոստացավ համապատասխան մասնագետների հետ համագործակցությամբ խնդիրը լուծել հնարավորինս արագ։

Հաջորդ կանգառը Ծաղկահովիտ համայնքում էր, որտեղ ավելի վաղ արձանագրվել էին ավտոճանապարհի ասֆալտապատման որակի հետ կապված որոշակի խնդիրներ։

Համայնքապետ Նորաին Հակոբյանը մարզպետին ներկայացրեց արդեն իսկ լուծված խնդրի արդյունքը՝ կատարված աշխատանքը։

Ստուգայցերը շարունակական են։