Արագածոտնի մարզպետի աշխատակազմ

 Արագածոտի մարզպետ Սերգեյ Մովսիսյանի մոտ այսօր տեղի ունեցավ խորհրդակցություն՝ Առողջապահական և աշխատանքի տեսչական մարմնի ղեկավար Սլավիկ Սարգսյանի և մարզի բժշկական հաստատությունների ղեկավարերի ու որոշ դպրոցների տնօրենների մասնակցությամբ։ Հանդիպումը ճանաչողական բնույթ էր կրում, մարզպետի և տեսչական մարմնի ղեկավարի առաջարկությամբ՝ մասնակիցները ներկայացրին իրենց կողմից ղեկավարվող առողջապահական ու կրթական հաստատություններում առկա խնդիրները, որոնք առնչվում են տեսչական մարմնի լիազորություններին և ստացան պարզաբանումներ։ Անդրադարձ եղավ դպրոցներում և ԲԿ-ներում սանիտարական նորմերի և հիգիենիկ պահանջների կատարմանը։