Տպել
Նորություններ
ՀՀ առողջապահական և աշխատանքի տեսչական մարմնի ներկայացուցիչները Աշտարակում խորհրդակցություն անցկացրին մարզի բուժհաստատությունների ղեկավարների հետ
02.08.2024
![](http://aragatsotn.mtad.am/files/n_pics/39190_s.jpg)
Քննարկման առանցքում գործատու-աշխատող փոխհարաբերություններն էին, տեսչական մարմնի ներկայացուցիչները պարզաբանեցին վերահսկողական գործառույթների իրականացման ընթացքում հաճախ արձանագրվող խնդիրները, որոնց գործատուն կամ աշխատողը բախվում են օրենքի բավարար չիմացության հետևանքով։
Արագածոտնի մարզպետի աշխատակազմի առողջապահական և սոցիալական ոլորտի հարցերի վարչության պետ Կարեն Թաթուլյանը հանդես եկավ ողջույնի խոսքով և խոսքը տրամադրեց հյուրերին։
Տեսչական մարմնի Արևմտյան տարածքային կենտրոնի պետ Գնել Սարգսյանը և աշխատակիցները խոսեցին աշխատանքային փոխհարաբերություններում կոնկրետ դեպքերի հետ կապված իրավական կարգավորումների, ինչպես նաև անհատական լիցենզավորման գործընթացի մեկնարկին ընդառաջ՝ դրա էության, շարունակական մասնագիտական զարգացման հավաստագրերի կարևորության և ակտուալ մի շարք այլ հարցերի շուրջ։
Քննարկումն ուղեկցվեց ակտիվ հարցուպատասխանով։