Արագածոտնի մարզպետի աշխատակազմ

ՀՀ բոլոր մարզերի և Երևանի 5-8-րդ դասարանների աշակերտները, որոնք ամբողջ տարին մասնակցել էին առողջապահության նախարարության «Առողջ ապրելակերպի դեսպան» հանրային արշավին, ամփոփիչ մրցույթին ներկայացրել են իրենց ստեղծարար նախագծերը:

Մրցույթում Արագածոտնի մարզը ներկայացնող Աշտարակի Վարդգես Պետրոսյանի անվան հիմնական դպրոցը հանդես է եկել 2 թիմով և համապատասխան նախագծերով։

31 թիմերի շարքում Արագածոտնի մարզի 1-ին թիմը ներկայացել է «Բացահայտելով առողջ ապրելակերպի աշխարհը․ մեր հետազորությունը» անվանակարգում (նախագծի ղեկավար՝ Տ․ Սարգսյան, մասնակիցներ՝ Միլենա Ավետիսյան, Մհեր Հայրապետյան, Հռիփսիմե Ղազարյան, Հրաչյա Գրիգորյան) և զբաղեցրել 1-ին պատվավոր հորիզոնականը։

2-րդ թիմը հանդես է եկել «Առողջ ապրելակերպը՝ խաղի ձևով» անվանակարգում (նախագծի ղեկավար՝ Վ․ Սարգսյան, մասնակիցներ՝ Մանուկ Գևորգյան, Արեն Գալստյան, Մարիա Եղիազարյան, Վաչե Միրզախանյան) և զբաղեցրել է 2-րդ մրցանակային տեղը։

Մրցութային հանձնաժողովը մրցույթի չորս անվանակարգերից յուրաքանչյուրում ընտրել է հնգական լավագույն թիմերին: Բոլորին տրվել են առողջ ապրելակերպի ամառային ճամբարի ուղեգրեր:

Շնորհավորում ենք մեր աշակերտներին և մաղթում նոր հաջողություններ։