Արագածոտնի մարզպետի աշխատակազմ

Քննարկվեցին հոկտեմբերին կայանալիք հաշվառման գործընթացի աշխատանքները պատշաճ կազմակերպելուն վերաբերող հարցեր։

Նիստին ներկա էին հանձնաժողովի անդամները՝ Վիճակագրական կոմիտեի Արագածոտնի մարզային վարչության պետ Գոռ Եգորյանը, Ոստիկանության Արագածոտնի մարզային վարչության պետ Ալեքսանդր Հակոբյանը, Արագածոտնի համայնքների ղեկավարները, մարզպետի աշխատակազմի ղեկավարության ներկայացուցիչներ, պաշտոնատար այլ անձինք։

Նշված հանձնաժողովի նախագահ, մարզպետ Սերգեյ Մովսիսյանը, ողջունելով ներկաներին, ընդգծեց քննարկվող թեմայի կարևորությունը և վստահություն հայտնեց, որ Արագածոտնի մարզի բոլոր համայնքների կողմից հաշվառման գործընթացում ցուցաբերվելու է լավագույն աջակցությունը։

Ստեփան Մնացականյանը պարզաբանեց հաշվառման աշխատանքներում մարզի և նրա համայնքների կողմից ակնկալվող մասնակցությանը վերաբերող հարցերը, ներկայացրեց հաշվառման գործընթացի նախապատրաստման և անցկացման աշխատանքներն ըստ փուլերի, ակնկալվող վերջնարդյունքը։

Ամփոփելով նիստի արդյունքները՝ մարզպետ Սերգեյ Մովսիսյանը աշխատանքների կազմակերպման ուղղությամբ հանձնարարականներ տվեց և պատրաստակամություն հայտնեց արդյունավետ համագործակցության։