Տպել
Նորություններ
ՀՀ ԱՐԱԳԱԾՈՏՆԻ ՄԱՐԶՊԵՏ ՍԵՐԳԵՅ ՄՈՎՍԻՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՎԵՐՋԻՆ ԶԱՆԳԻ ԱՌԻԹՈՎ
24.05.2024
![](http://aragatsotn.mtad.am/files/n_pics/38536_s.jpg)
Սիրելի՛ շրջանավարտներ,
Այսօր յուրաքանչյուրիդ կյանքում կարևոր ու հիշարժան օր է, գեղեցիկ նորի ու անխախտ լավատեսության սպասումը սրտում՝ հրաժեշտ եք տալիս ձեր հարազատ դպրոցին և մուտք գործում կյանքի մեկ այլ շրջափուլ։
Միախառնված զգացմունքների ներքո այսօր ձեր մտքում արևի պես հոգի ջերմացնող հուշերն են՝ պատանեկան ընկերության ու սիրո, անհոգ կյանքի և իհարկե, հիմնարար գիտելիք ամբարելու անփոխարինելի տարիների մասին։
Այսօր ես հաղորդակից եմ ձեր լիառատ ուրախությանը և ձեզ հետ լուսավոր հույսեր եմ կապում մեր պետության շենացման համատեքստում։
Սիրելիներս, ես ուզում եմ, որ անկախ ձեր ընտրած մասնագիտությունից և գործունեության ոլորտից, դուք նախևառաջ ձեր հայրենիքի աննկուն մարտիկը լինեք, ուզում եմ, որ մեր ժողովրդավար երկրի գիտակից քաղաքացին լինեք, որի կամքն ամուր է պետության կայացման գործում, և ի վերջո ուզում եմ, որ Հայաստանի Հանրապետության այն երջանիկ քաղաքացին դառնաք, որն ապրելու և աշխատելու է իր շեն ու խաղաղ երկրում։
Եվ թող այսօր ձեզ ուղղված բոլոր բարեմաղթանքների զորությամբ և Աստծո օրհնությամբ ձեր ձեռնարկած գործերը միշտ պսակվեն հաջողությամբ։
Առանձնահատուկ ակնածանքով շնորհավորում եմ մեր մանկավարժներին և շնորհակալություն հայտնում՝ նվիրումով ևս մեկ սերունդ կրթելու և մեծ կյանք ճանապարհելու համար։
Շնորհավոր և բարի երթ ձեզ, սիրելի՛ շրջանավարտներ։
ՁԵՐ՝ ՍԵՐԳԵՅ ՄՈՎՍԻՍՅԱՆ