Տպել
Նորություններ
Արագածավանի թիվ 1 դպրոցը՝ հաղթող․ կայացավ «ՀՀ Վարչապետի գավաթ» դպրոցականների թիմային խճուղավազքի մարզային փուլը
10.05.2024
![](http://aragatsotn.mtad.am/files/n_pics/38437_s.jpg)
Արագածոտնի մարզի 61 դպրոցական թիմերի մասնակցությամբ այսօր տեղի ունեցավ «ՀՀ Վարչապետի գավաթ» դպրոցական թիմային խճուղավազքի մարզային փուլը։
Թիմերից յուրաքանչյուրը կազմված էր 7 աշակերտից՝ 2 աղջիկ, 5 տղա։
Առաջին տեղը զբաղեցրեց Արագածավանի թիվ 1 միջնակարգ դպրոցի թիմը, որը և ձեռք բերեց մրցաշարի հանրապետական փուլին մասնակցության իրավունքը։
2-րդ և 3-րդ տեղերը զբաղեցրին համապատասխանաբար Նոր Ամանոսի և Դաշտադեմի միջնակարգ դպրոցների թիմերը։
Մրցանակային տեղեր զբաղեցրած թիմերը պարգևատրվեցին ԿԳՄՍՆ կողմից տրված պատվոգրերով։
Տեղեկացնենք, որ մրցաշարի հանրապետական փուլը կայանալու է օրերս՝ մայիսի 17-18-ը, Դիլիջանում։
Նշենք, որ «ՀՀ վարչապետի գավաթ» խճուղավազքի սիրողական մրցաշարն անցկացվում է Հայաստանում վազքի և առողջ ապրելակերպի մասսայականացման, ինչպես նաև բնակչության շրջանում ֆիզկուլտուրայի և սպորտի քարոզչության ապահովման նպատակով։
Շնորհավորում ենք մրցանակային տեղեր զբաղեցրած թիմերին և Արագածավանի թիվ 1 դպրոցի թիմին առաջիկա ստուգատեսում մաղթում հաջող մրցելույթ։