Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Արագածոտնի մարզի տարբեր բնակավայրերում նշվել է Քաղաքացու օրը
29.04.2024
Ապրիլի 27-ին «Հայրենիքը պետությունն է: Սիրում ես հայրենիքդ՝ ուժեղացրու պետությունդ» խորագրի ներքո ՀՀ մարզերում և մայրաքաղաքում տեղի են ունեցել հանրային քննարկում-բանախոսություններ և մշակութային միջոցառումներ, որոնց ընթացքում բանախոսել են հանրությանը հայտնի մարդիկ, ինչպես նաև տարբեր ոլորտների պաշտոնատար անձինք։
Արագածոտնի մարզում Քաղաքացու օրվան նվիրված միջոցառումներ են կայացել Աշտարակ համայնքում՝ Սասունիկում, Օշականում, ինչպես նաև Ապարան և Թալին համայնքներում։
Միջոցառման կարևոր նպատակներից են եղել երկրի երիտասարդների գիտակցության մեջ քաղաքացիական արժեքների ամրագրումը, անկախություն, ինքնիշխանություն, պետականություն հասկացությունների արժևորումը, պետության նկատմամբ պատասխանատու և հոգատար վարքագծի ձևավորումը։ Քննարկումները
միտված են եղել յուրաքանչյուրի կողմից իր դերի և պատասխանատվության կարևորմանը՝ մեր հայրենիքի առջև ծառացած խնդիրներից շատերի լուծմանն անմիջական մասնակից դառնալու համար։
Երկխոսություն է ծավալվել տարբեր սերունդների միջև պետության և հանրությանը հուզող հարցերը քննարկելու, քաղաքացիների և պետության անելիքները վերհանելու և կանխորոշելու համար։
Միջոցառման մշակութային մասում երաժշտական կատարումներով ու ձեռքի աշխատանքներով հանդես են եկել մարզի շնորհալի աշակերտները։
