Արագածոտնի մարզպետի աշխատակազմ

ԲԿ-ի վերակառուցման համար պետությունը հատկացրել է 1 մլրդ 469 մլն դրամ, շինարարական աշխատանքներն այս պահին ակտիվ ընթացքի մեջ են։

Շրջելով շինհրապարակում՝ նախարարն ու մարզպետը զրուցեցին ԲԿ տնօրենի և շինարարների հետ, արձանագրեցին թերություններն ու հորդորեցին սեղմ ժամկետներում վերացնել դրանք, ինչպես նաև աշխատանքները կատարել ըստ ժամանակացույցի։

Նշենք, որ Աշտարակի ԲԿ-ի վերակառուցման ավարտը նախատեսվում է 2025 թ․, այս պահի դրությամբ աշխատանքները կատարված են շուրջ 10 %-ով։

Հաջորդ կանգառը Թալինի ԲԿ-ն էր, որի վերակառուցումը մոտենում է ավարտին։ Արդեն իսկ ուրվագծվող նոր ԲԿ-ի տեսքը դիտարկելով՝ պաշտոնատար անձինք շրջեցին բժշկական հաստատության տարածքով, ծանոթացան ըստ բաժանմունքների կատարված աշխատանքներին։ Արձանագրվեցին թերացումներն ու հանձնարարվեց աշխատել դրանց վերացման ուղղությամբ։

Թալինի ԲԿ վերակառուցման համար Կառավարության ներդրումը 1 մլրդ 195 մլն դրամ է։ Շինաշխատանքները կատարված են 95 %-ով։ Ավարտը նախատեսվում է այս տարվա ամռանը։

Ստուգայցերի ընթացքում թե՛ մարզպետի, թե՛ նախարարի կողմից հանձնարարվել է խիստ հետևողական լինել ԲԿ-ների շինարարության բարձր որակի ապահովման հարցում։