Արագածոտնի մարզպետի աշխատակազմ

Արագածոտնի մարզի դպրոցների 8-12-րդ դասարաններից օլիմպիադաների մարզային փուլին մասնակցել են 576 աշակերտներ, որոնցից մարզային փուլը հաղթահարել և հանրապետական փուլ են անցել 86-ը։

Ուրախ ենք արձանագրել, որ մարզային փուլի արդյունքով «Կենսաբանություն» առարկայից հանրապետությունում ամենաբարձր միավորը (203) վաստակել է Արագածոտնի մարզի Նորաշենի Ռաֆիկ Հարությունյանի անվան միջնակարգ դպրոցի 10-րդ դասարանի աշակերտ Դերենիկ Հակոբյանը։

Նշենք, որ մեր աշակերտները մարզային փուլում բարձր միավորներ են վաստակել հատկապես «Կենսաբանություն», «Քիմիա», «Գրականություն», «ՀԵՊ» առարկաներից։ Ընդհանուր առմամբ, բոլոր 16 առարկաներից 14-ի հանրապետական փուլին Արագածոտնի մարզից մասնակիցներ ունենք։

Դպրոցական օլիմպիադաների հանրապետական փուլը մեկնարկել է փետրվարի 17-ին՝ «Մաթեմատիկա» առարկայով և կամփոփվի ապրիլի 28-ին՝ «ՆԶՊ» առարկայով։

Գիտելիքների այս կարևոր ստուգատեսում մեր աշակերտներին մաղթում ենք հաջողություն։