Տպել
մարզպետի խորհրդականներ Արմեն Գրիգորյանը
Նորություններ
Մարզպետ Սերգեյ Մովսիսյանը տարեսկզբյան խորհրդակցություն անցկացրեց
04.01.2024
![](http://aragatsotn.mtad.am/files/n_pics/37268_s.jpg)
Արագածոտնի մարզպետի աշխատակազմի ղեկավար կազմի ներկայացուցիչների մասնակցությամբ մարզպետ Սերգեյ Մովսիսյանն այսօր խորհրդակցություն անցկացրեց՝ նախանշելով 2024 թ․ անելիքները։
Նոր աշխատանքային տարվա կապակցությամբ շնորհավորելով բոլորին՝ մարզպետն ընդգծեց, որ նոր եռանդով և կրկնակի հետևողականությամբ պետք է լծվել մարզում պետական քաղաքականության իրականացման գործին։ Հանձնարարականներ տալով ոլորտային պատասխանատուներին՝ Սերգեյ Մովսիսյանը կարգադրեց ուժեղացնել վերահսկողությունը մարզում ընթացող բոլոր պետական ու սուբվենցիոն ծրագրերի նկատմամբ և ապահովել լավագույն արդյունք։
Խորհրդակցության ավարտին մարզպետը հայտնեց, որ Արագածոտնի մարզպետի աշխատակազմի 6 աշխատակից խրախուսվել են ՏԿԵ նախարարության շնորհակալագրով։ Մասնավորապես,
2023 թ․ ընթացքում կատարած լավագույն աշխատանքի, ցուցաբերած բարձր պատասխանատվության համար շնորհակալագիր են ստացել
անձնակազմի կառավարման, փաստաթղթաշրջանառության և հասարակայնության հետ կապերի վարչության անձնակազմի կառավարման բաժնի պետ Գայանե Վարդանյանը
նույն վարչության աշխատակից Նանե Ավանեսյանը:
ԼՂ-ից բռնի տեղահանված անձանց աջակցման աշխատանքներին ակտիվ մասնակցության և դրանք պատշաճ կատարելու համար շնորհակալագրեր են ստացել
մարզպետի խորհրդականներ Արմեն Գրիգորյանը
Ռազմիկ Թադևոսյանը
առողջապահության և սոցիալական հարցերի վարչության պետ Կարեն Թաթուլյանը
զարգացման ծրագրերի մշակման և իրականացման բաժնի պետ Գագիկ Պողոսյանը։
Ամփոփելով հանդիպումը՝ մարզպետը բոլորին բեղմնավոր աշխատանքային տարի մաղթեց։