Արագածոտնի մարզպետի աշխատակազմ

Ողջույնի խոսքում Արագածոտնի մարզպետի տեղակալ Միլադա Հովհաննիսյանը, կարևորելով հանձնաժողովի աշխատանքը, նշեց, որ Կառավարության կողմից մեծ ներդրումներ են արվում կրթության առանձնահատուկ պայմանների կարիք ունեցող երխաների համար արդիական միջավայրի ստեղծման և խելացի հարմարեցումների համար։ Նա հավելեց նաև, որ կրթական պրոցեսում երեխաների ներգրավման գործընթացի արդյունավետության բարձրացման տեսանկյունից անելիք ունենք յուրաքանչյուրս։

Օրակարգում ներառված հարցը զեկուցեց Աշտարակի տարածքային մանկավարժահոգեբանական աջակցության կենտրոնի տնօրեն Մերի Արշակյանը։

Ողջ ծավալով ներկայացվեց անցնող տարում հատուկ կարիքներ ունեցող երեխաների համար իրականացված աշխատանքը, այդ թվում՝ անդրադարձ եղավ տնային պայմաններում կազմակերպվող ուսուցմանը, ուսուցչի օգնականի դերին և նշնակությանը, խելամիտ հարմարեցումներին և կրթության հավասար պայմաններ ապահովելու ուղղությամբ կատարված այլ միջոցառումների։

Ներկա էին մարզպետի աշխատակազմի, համայնքների, ՀԿ-ների ներկայացուցիչներ։

Նիստն ամփոփվեց քննարկմամբ, որը վերհանեց խնդիրներն ու արձանագրեց անելիքները։