Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Բերքի տոնը՝ այգեկութն ամփոփելու գունեղ իրարանցում
12.11.2023
Արագածոտնի մարզում բերքի տոնի անցկացման ավանդական փորձը վերականգնելու, մշակութային աշխուժություն մտցնելու և այգեկութն ամփոփելու նպատակով Արագածոտնի մարզպետի աշխատակազմի նախաձեռնությամբ Նոր Երզնկայում օրերս անցկացվեց «Էրգրի համը» խորագրով բերքի տոն։
Մշակութային միջոցառմանը համայնքի բնակիչների հետ ներկա էին Արագածոտնի մարզպետի աշխատակազմի ներկայացուցիչներ:
Տոնը մեծ խանդավառությամբ համախմբել էր մարզի գյուղմթերք արտադրողներին, ստեղծագործողներին, արվեստասերներին, բնակիչներին։
Աշնանային արևոտ օրվա ընթացքում բաց երկնքի տակ միջոցառման հյուրերին առանձին տաղավարներով ներկայացան համայնքի արտադրողները, ցուցադրվեցին արվեստի և հանրակրթական դպրոցների տաղանդաշատ աշակերտների ձեռքի աշխատանքները:
Ուշագրավ պարային և երաժշտական կատարումներով հանդես եկան պարային համույթներ, անհատ կատարողներ:
