Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Արագածոտնում՝ ինչպես տանը․ մարզում բնակություն է հաստատել ԼՂ-ից բռնի տեղահանված 4396 անձ
12.10.2023
Բյուրականի գեղատեսիլ բնության գրկում գտնվող ԵՊՀ ուսումնաարտադրական բազան իր ջերմ տանիքի տակ է համախմբել ԼՂ-ից բռնի տեղահանված 144 անձի կամ երկու տասնյակից ավելի ընտանիքների։ Այստեղի բնակիչներից ամենափոքրը 9 ամսական է։ Մեր հայրենակիցների առօրյան հետաքրքրանում է միմյանց հետ շփումներով, նոր ծանոթություններով։
Մեզ հետ զրույցում ԼՂ-ից տեղահանված մեր քույրերն ու եղբայրները նշեցին, որ ամեն օր արժանանում են հատուկ ուշադրության, հոգատար ու ջերմ վերաբերմունքի, ինչն օգնում է հաղթահարել ծանր հոգեվիճակն ու նոր կյանք սկսել։
Կեցության ծախսերը, ներառյալ որակյալ ու համեղ սննդի, անհրաժեշտ դեղորայքի, բուժծառայությունների ու այլ պարագաների տրամադրումը ապահովում է Արագածոտնի մարզպետի աշխատակազմը՝ ՀՀ Կառավարության ֆինանսական աջակցությամբ։
Հավելենք, որ այս պահի դրությամբ Արագածոտնի մարզում հաշվառված է ԼՂ-ից տեղահանված 4396 անձ։
Նրանցից 684-ը դպրոցահասակ երեխաներ են, որոնցից այս պահի դրությամբ մարզի դպրոցներ են ընդունվել 594-ը։
Ֆոտոշարքը՝ Բյուրականի ԵՊՀ ուսումնաարտադրական բազայից։
