Արագածոտնի մարզպետի աշխատակազմ

Արտահերթ խորհրդակցության դրդապատճառը անչափահաս երեխաների նկատմամբ համացանցում վերջերս տարածված բռնության դեպքն էր։

Ողջույնի խոսքում Արագածոտնի մարզպետի աշխատակազմի գլխավոր քարտուղար Հրաչյա Գևորգյանը, ընդգծելով հարցի կարևորությունը, նշեց, որ երեխաների ընտանեկան բռնության ենթարկվելու դեպքերի կանխարգելման գործում անելիք ունենք բոլորս և ոչ մի կերպ չպետք է անտարբեր մոտեցում ցուցաբերենք։Նա արձանագրեց, որ թեև շարունակաբար խոսվում է դեպքերը կանխարգելելու մասին և հարցը հանրային հնչեղություն է ստանում, այնուամենայնիվ, ընտանեկան բռնությունների դեպքերը էականորեն չեն նվազում։

Առողջապահության և սոցիալական ոլորտի հարցերի վարչության աշխատակից Լուիզա Ղարիբյանը ներկաների ուշադրությունը հրավիրեց աշխարհում բռնության ենթարկվող երեխաների թվի մասին վիճակագրական տվյալների վրա և հորդորեց համատեղ աշխատանքով հասնել դրանց թվաքանակի ցանկալի կրճատմանը։

Քննարկումն ավարտվեց ընտանեկան բռնության դեպքերի բացահայտման գործում համագործակցությունն ամրապնդելու պայմանավորվածությամբ։