Արագածոտնի մարզպետի աշխատակազմ

Արագածոտնի մարզպետ Սերգեյ Մովսիսյանը ուժային կառույցների մարզային ներկայացուցիչների հետ այսօր իր աշխատասենյակում հյուրընկալեց Հայաստանում, Արցախում և Սիրիայում մարտական գործողությունների մի խումբ մասնակիցների և նրանց հարազատներին՝ ՀՀ նախագահի, Արցախի նախագահի, ՌԴ ՊՆ-ի կողմից շնորհված պետական պարգևները (մեդալներ) հանձնելու նպատակով:

Մարզպետը, շնորհավորելով նրանց, դրվատանքի խոսքեր հղեց հայրենիքին մատուցած ծառայությունների և խաղաղասիրական առաքելության և արիությամբ աչքի ընկնելու համար, ապա մաղթեց, որ այսուհետ աշխատեն ու ծառայեն միմիայն խաղաղ պայմաններում։

«Շնորհակալ ենք ձեր մատուցած ծառայությունների համար, դուք ձեր առջև դրված մարտական խնդիրները պատվով եք կատարել»,-նշեց Սերգեյ Մովսիսյանը։

Այսպիսով, մեդալներ են շնորհվել Արագածոտնի մարզի բնակիչներ Հմայակ Ադամյանին, Արման Ծատուրյանին,Սամվել Պարզյանին, Հայրապետ Ազիզյանին, Օլինկա Մնացականյանին։

Շնորհավորում ենք և մաղթում նորանոր ձեռքբերումներ։