Արագածոտնի մարզպետի աշխատակազմ

Մասնավորապես, անդրադարձ կատարվեց պետական և սուբվենցիոն ծրագրերով իրականացված և ընթացիկ աշխատանքներին, շեշտադրվեցին դպրոցաշինական ծրագրերը։

Նշվեց, որ նախորդ տարվա համեմատությամբ այս տարվա սուբվենցիոն ծրագրերի թիվն անհամեմատ ավելի է։

Հաջորդիվ մարզպետն ու պատգամավորներն ուղևորվեցին համայնքներ՝ տեղում ծանոթանալու կատարված ծրագրերի արդյունքներին և առկա խնդիրներին։

Ծաղկահովիտ, Ալագյազ և Ապարան համայնքներում, համայնքապետերի և համայնքապետարանների պաշտոնատար այլ անձանց հետ նրանք դիտարկեցին կատարված գազաֆիկացման, ասֆալտապատման և այլ աշխատանքները, զրուցեցին քաղաքացիների հետ, պատասխանեցին նրանց հուզող հարցերին։