Արագածոտնի մարզպետի աշխատակազմ

Հանդիպման նպատակն էր քննարկել մարզի հանրակրթական դպրոցներում իրականացվող ամենամյա ստուգումների արդյունքները, հանրակրթության որակի բարելավմանը վերաբերող մի շարք հարցեր։

Ողջույնի խոսքում մարզպետն ընդգծեց Կրթության տեսչական մարմնի գործունեության կարևորությունը և նշեց, որ այն ուղղված է կրթության ոլորտում մարզպետի աշխատակազմի աշխատանքին օժանդակելուն, խնդիրները վերհանելուն և դրանք համատեղ լուծելուն։ Այս համատեքստում Սերգեյ Մովսիսյանը պատրաստակամություն հայտնեց համագործակցությունը սերտացնելու։

Վաղարշակ Մատիկյանը հակիրճ ներկայացրեց Արագածոտնում հանրակրթության ոլորտի` իրենց կողմից արձանագրված խնդիրները, ապա անդրադարձավ «Կրթության բնագավառի պետական վերահսկողության մասին» օրենքի նախագծին և առաջիկայում նախատեսվող փոփոխություններին։

Քննարկվեցին այլ կրթական հարցեր։