Արագածոտնի մարզպետի աշխատակազմ

այսօր նշանավորում ենք բոլորիս հոգուն հարազատ մի տոն՝ Ընտանիքի օրը, որը խորհրդանշում է սեր, հոգատարություն, ջերմություն, հարգանք ու հանդուրժողականություն։

Հայ ժողովրդի համար բոլոր ժամանակներում ընտանիքը եղել է ամուր պետության հիմքը, հայրենասեր զավակներ կրթելու, հայրենիքի զինվոր, հասարակության համար պիտանի մարդ դաստիարակելու օջախ։

Ըստ իս՝ ընտանիքն Աստծո տված մեծագույն պարգևն է, որտեղ մարդն իրեն լիարժեք ու երջանիկ է զգում։ Այն անհատի կայացման ամենակարևոր միջավայրն է, հոգևոր արժեք, որը պահել-պահպանելու համար անելիք ունենք բոլորս՝ մեր հոգատարությամբ, հանդուրժողականությամբ ու սիրով։

Մաղթում եմ, որ ձեր ընտանիքներում միշտ թևածի սերը, որը հիմքն է ամեն բարիքի։

Աստված պահապան բոլորիդ ընտանիքներին։

ՀՀ ԱՐԱԳԱԾՈՏՆԻ ՄԱՐԶՊԵՏ

ՍԵՐԳԵՅ ՄՈՎՍԻՍՅԱՆ