Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Կայացավ «ՀՀ վարչապետի գավաթ» սեղանի թենիսի սիրողական մրցաշարի մարզային փուլը․ խաղերին հետևել է Արագածոտնի մարզպետ Սերգեյ Մովսիսյանը
28.02.2023
Հունվարին մեկնարկած «ՀՀ վարչապետի գավաթ» սեղանի թենիսի սիրողական մրցաշարը մարզական հարթակում համախմբել է Արագածոտնի մարզի Աշտարակ, Թալին, Ապարան, Ծաղկահովիտ համայնքների սեղանի թենիսի սիրահարներին՝ բնակչության տարբեր տարիքային խմբերի շրջանում արմատավորելով առողջ կենսակերպի գաղափարը և մասսայականացնելով մարզաձևը։
Մրցումներն անցկացվում են երկու տարիքային խմբերով՝ 18-40 տարեկան կանայք և տղամարդիկ, 41 և բարձր տարիքի կանայք և տղամարդիկ։ Արագածոտնի մասնակիցները սիրողական մարզիկներ են, դպրոցականներ, ուսանողներ, պետական և մասնավոր ոլորտի աշխատողներ, սեղանի թենիսի սիրահարներ, առանձին խմբով՝պրոֆեսիոնալ մարզիկներ։
Մրցաշարի համայնքային փուլում 1-3-րդ մրցանակային տեղերը զբաղեցրած 24 մասնակիցները երեկ ուժերը չափեցին մարզային փուլում, որն առավել լարված պայքար էր։
Մասնակիցներին ողջունելու և ոգևորելու էին եկել Արագածոտնի մարզպետ Սերգեյ Մովսիսյանը, մարզպետարանի ներկայացուցիչներ։
Խաղերը դիտարժան էին և անցան առողջ մրցակցային հարթակում։
Մարզային փուլի մրցաշարային աղյուսակի պատկերը հետևյալն է՝
18-40 տարիքային խումբ
1.Խաչատրյան Արմեն (Ապարան)
2.Աղումյան Էդգար (Աշտարակ)
3.Եգորյան Արթուր (Աշտարակ)
41-ից բարձր տարիքային խումբ
1. Ղազարյան Սամվել (Թալին)
2.Քոչարյան Վարազդատ (Ապարան)
3.Շախտանյան Արտակ (Թալին)
1-3-րդ մրցանակային տեղերը զբաղեցրած մասնակիցները Արագածոտնի մարզը կներկայացնեն մրցաշարի հանրապետական փուլում։
Ամփոփելով «ՀՀ վարչապետի գավաթ» մրցաշարի Արագածոտնի մարզային փուլը, նշենք, որ 4 համայնքներից մրցաշարին մասնակցեցին ընդհանուր 103 մարզիկ, համայնքային փուլի արդյունքում մարզային փուլ անցան 24-ը, մարզային փուլի արդյունքում հանրապետական փուլ՝ 6-ը։
Շնորհավորում ենք մեր մարզիկներին և մաղթում նոր հաղթանակներ։
Հավելենք, որ եզրափակիչ փուլում երկու տարիքային խմբերում, ինչպես նաև գործող պրոֆեսիոնալ մարզիկների խմբերում 1-10-րդ տեղեր գրաված մասնակիցները (տղամարդիկ և կանայք) կստանան ՀՀ ԿԳՄՍՆ համապատասխան կարգի հավաստագրեր, գավաթներ, մեդալներ և դրամական պարգևներ.
• 1-ին տեղ՝ 1.000.000 ՀՀ դրամ,
• 2-րդ տեղ՝ 500.000 ՀՀ դրամ,
• 3-րդ տեղ՝ 300.000 ՀՀ դրամ,
• 4-րդ տեղ՝ 100.000 ՀՀ դրամ,
• 5-10-րդ տեղերը՝ 50.000 ՀՀ դրամ:
