Արագածոտնի մարզպետի աշխատակազմ

 անրային հեռուստաընկերությունը, կարևոր համարելով կրթական և ուսուցողական հաղորդաշարեր ունենալու հրամայականը, նախաձեռնել է պատանիների տարիքային խմբի համար նախատեսված նոր ինտելեկտուալ խաղ, որին կարող են մասնակցել 10-12-րդ դասարանների աշակերտները։

Օրերս, Արագածոտնի մարզի աշակերտական թիմի հավաքագրման նպատակով, մարզում տեղի է ունեցել խաղի նախնական փուլը, որին մասնակցել են տարբեր համայնքների դպրոցների բարձր առաջադիմություն ունեցող, ինտելեկտուալ, բազմակողմանի զարգացած 52 աշակերտներ։ Թեստի արդյունքով, նախնական փուլը հաղթահարել է 9 աշակերտ, որոնք հնարավորություն կստանան մասնակցելու հաջորդ փուլին։

Հաջորդ ստուգատեսի արդյունքով 9 աշակերտից կընտրվեն լավագույն 4-ը, որոնք էլ հեռուստատեսային փուլում կներկայացնեն մարզի թիմը։ Մարզի թիմի ներկայացուցիչն է լինելու մարզպետարանի ԿՄՍ վարչության կրթության բաժնի գլխավոր մասնագետ Արմինե Սիմոնյանը։

Ստորև ներկայացնում ենք նախընտրական փուլը հաղթահարած աշակերտներին և նրանց վաստակած միավորները․

1.Ավետիսյան Սամվել, Ապարանի ավագ դպրոց, 11-րդ դասարան, 19 միավոր,

2․ Սահակյան Արգինե, Ապարանի ավագ դպրոց, 11-րդ դասարան, 18 միավոր,

3․ Ասլանյան Լիանա, Ապարանի ավագ դպրոց, 11-րդ դասարան, 16 միավոր,

4․ Համազասպյան Նարեկ, Ագարակավանի միջնակարգ դպրոց, 12-րդ դասարան, 16 միավոր,

5․ Սարգսյան Վանիկ, Բյուրականի միջնակարգ դպրոց, 11-րդ դասարան, 16 միավոր,

6․ Բարսեղյան Էրիկ, Բազմաղբյուրի միջնակարգ դպրոց, 12-րդ դասարան, 15 միավոր,

7․ Հովհաննիսյան Աղվան, Բյուրականի միջնակարգ դպրոց, 11-րդ դասարան, 15 միավոր,

8․ Ադամյան Էլլա, Կոշի միջնակարգ դպրոց, 10-րդ դասարան, 15 միավոր,

9․ Կիրակոսյան Անգելինա, Աշտարակի ավագ դպրոց, 10-րդ դասարան, 15 միավոր։

Շնորհավորում ենք մեր աշակերտներին և առաջիկա փուլերում մաղթում հաղթանակ։