Արագածոտնի մարզպետի աշխատակազմ

 ՀՀ Կառավարության այսօրվա նիստում Արագածոտնի, Արարատի, Արմավիրի, Գեղարքունիքի, Լոռու, Կոտայքի, Սյունիքի, Վայոց ձորի և Տավուշի մարզպետարաններին հատկացվել է 2 մլրդ 387 մլն դրամ գումար՝ 2021 և 2022 թվականներին հաստատված 19 համայնքների 27 սուբվենցիոն ծրագրերի համար։

Արագածոտնի մարզպետարանին հատկացումը կազմում է 209 մլն դրամ՝ 2 ծրագրի համար`

Ծաղկահովիտ համայնքի Նորաշեն, Գեղադիր, Հնաբերդ, Գեղաձոր, Բերքառատ բնակավայրերի 21 կմ ընդհանուր երկարության գազատարի կառուցում, ծրագիրն ավարտված է։

Ծրագրի ընդհանուր արժեքը 339 մլն դրամ է, որի 60 %-ը՝ 203 մլն 339, 4 հազար դրամը, պետություն-համայնք համաֆինանսավորման մեջ պետության մասնաբաժինն է։

Թալին համայնքի Լուսակն բնակավայրի խմելու ջրագծի կառուցում, 2350 գծամետր երկարությամբ, ծրագիրն ավարտված է։

Ծրագրի ընդհանուր արժեքը 10 մլն 780 հազար դրամ է, որի 60 %-ը՝ 6 մլն 468 հազար դրամը պետություն-համայնք համաֆինանսավորման մեջ պետության մասնաբաժինն է։