Արագածոտնի մարզպետի աշխատակազմ

Ստուգատեսին հետևելու նպատակով այսօր Նորայր Սիսակյանի անվան Աշտարակի թիվ 5 ավագ և Ուշիի Նիկոլ Աղբալյանի անվան միջնակարգ դպրոցներ այցելեցին մարզպետի խորհրդական Արմեն Գրիգորյանը և ԿՄՍ վարչության պետ Գալուստ Թադևոսյանը։

Շրջայցի ընթացքում մարզպետարանի ներկայացուցիչները տնօրենությունից հետաքրքրվեցին աշակերտների պատրաստվածության մասին, քննաշրջանի պատշաճ կազմակերպմանը վերաբերող հարցերով, ինչպես նաև համաճարակային իրավիճակով պայմանավորված իրականացվող կանխարգելիչ միջոցառումների մասին։

Նշենք, որ հունվարի 11-ին 12-րդ դասարանի սովորողները պետական ավարտական քննություն կհանձնեն «Մաթեմատիկա», հունվարի 12-ին՝ «Պատմություն» առարկաներից։

Միասնական քննությունների մեկնարկը կտրվի հունվարի 15-ին՝ «Քիմիա» առարկայի քննությամբ։

Սիրելի՛ աշակերտներ, մաղթում ենք հաջող քննաշրջան։