Արագածոտնի մարզպետի աշխատակազմ

Սեպտեմբերի 3-ին նրանք շնորհանդեսներով ամփոփել են դասընթացի եռամսյա արդյունքները՝ ներկայացնելով ստացած գիտելիքներն ու դրանք գործնականում կիրառելու հմտությունները։ Շնորհանդեսին հատուկ հրավերով մասնակցել է մարզպետարանի ԿՄՍ վարչության պետ Գալուստ Թադևոսյանը, ներկա են եղել դպրոցների տնօրեններ։

Դասընթացի մասնակիցներից յուրաքանչյուրը 3-5 րոպեում ցուցադրել են իրենց ստեղծած ծրագրերը, կայքերը»

Գալուստ Թադևոսյանը շնորհակալություն է հայտնել դասընթացավար-կամավորներին՝ իրենց փորձն ու գիտելիքը աշակերտներին փոխանցելու համար, մարզի բոլոր դպրոցների տնօրենների անունից պատրաստակամություն է հայտնել հյուրընկալելու նշված ծրագրավորման դասընթացը։ Նա միաժամանակ վստահություն է հայտնել, որ աշակերտները ՏՏ ոլորտի իրենց իմացությունը ծառայեցնելու են համայնքների զարգացման, հայրենիքի պաշտպանության գործին։

ԿՄՍ վարչության պետը ՏՏ ոլորտն ուսումնասիրող աշակերտներին հանձնարարել է հաջորդիվ մշակել Արագածոտնի մարզի տեսարժան վայրերի ճանապարհային քարտեզն ու այն առաջիկայում ներկայացնել շնորհանդեսով։

Նշենք, որ դասընթացի ծրագիրը կազմվել է ծրագրավորող և մեդիագրագիտության փորձագետ Սամվել Հայրապետյանի HTML և CSS և Բոստոնի համալսարանի շրջանավարտ Ռուբեն Մեսչյանի Javascript դասընթացների հիման վրա։

Շնորհավորում ենք դասընթացի մասնակիցներին և մաղթում բարի երթ։