Արագածոտնի մարզպետի աշխատակազմ

Արագածոտնի մարզպետի ուղեկցությամբ Աննա Հակոբյանը այցելել է Սարգսյանների բազմազավակ ընտանիք՝ հետաքրքրվել երեխաների առողջությամբ ու ընտանիքի սոցիալական վիճակով։

«Երեք ամիս առաջ ընտանիքում եռյակի ծնունդով երեխաների թիվը դարձավ վեց», – ժպիտը հայացքին վարչապետի տիկնոջն է հայտնել տիկին Լուսինեն, միաժամանակ նշելով, որ վեց երեխաների հետ ապրում են անապահով պայմաններում։

«Երջանիկ ընտանիք եք, եռյակի ծնունդով ամենամեծ պարգևը Աստված շնորհել է»,- նշել է տիկին Հակոբյանը։

Աննա Հակոբյանը ծանոթացել է ընտանիքի կենցաղային պայմաններին և հետաքրքրվել, թե ինչ պետական աջակցություն են ստանում։ Տիկին Լուսինեն փոխանցել է, որ եռյակի ծնունդի կապակցությամբ 4,5 մլն միանվագ աջակցություն են ստացել և այժմ էլ ամսական նպաստի չափը կազմում է 150 հազար դրամ, սակայն բազմազավակ ընտանիքի հոգսերը շարունակում են ծանր մնալ։

Աննա Հակոբյանը զրուցել է դպրոցահասակ երեխաների հետ, հորդորել լավ կրթություն ստանալ։